वन्जु मुन्माक मैत्री समाज मार्फत् दुई बिरामीले पाए डेढ लाख रुपैयाँ भन्दा बढीको सहयोग


कोरियामा रहेका उपचारार्थ दुई बिरामीहरु पार्वती तामाङ र लाल बहादुर बोहरा (प्रतिक) ले राहत र सान्तवना स्वरुप आर्थिक सहयोग प्राप्त गरेका छन् ।  कोरियामा स्थापित नेपालीहरुको साझा संस्था वन्जु मुन्माक मैत्री समाजले आर्थिक सङ्कलन अभियान मार्फत् उठेको १६ लाख २४ हजार १ सय ५७ कोरियन वोन (डेढ लाख रुपैयाँ भन्दा बढी) दुई बिरामीलाई आधा आधा हुने गरी सहयोग प्रदान गरेको हो । समाजले आर्थिक सङ्कलनको लागि विज्ञप्ति जारी गर्दै सहयोगको लागि अपिल गरेको थियो ।

नुवाकोट जिल्लाको किस्पाङ गाउँपालिका १, काहुले स्थायी घर भई हाल कोरियाको खाउन्दो स्थित एक कम्पनीमा कार्यरत पार्वती तामाङको ( १ लाख वोन बढी समाजको सदस्यता लिएको कारण) अचानक दाँया खुट्टा नशा र हाडमा समस्या देखिएपछि सउल अस्पतालमा भर्ना भई करीब ९० लाख कोरियन वोन भन्दा बढी उपचार खर्च लाग्ने र नियमित चेकजाँच गरिरहनुपर्ने अस्पताल स्रोतले जनाएको थियो भने कैलाली जिल्लाको चुरे १, स्थायी घर भई कोरियाको खाउन्दो स्थित एक अण्डा कम्पनीमा कार्यरत लाल बहादुर बोहरा (प्रतिक) काम गर्ने क्रममा मोटर बेल्टमा बाँया हात च्यापिएर पाँचवटै औँला पूर्ण रुपमा क्षतविक्षत भएको हो ।

समाजले गत मे महिनाको २१ तारिक नेपाली चलचित्र “जारी” सुवन शो गरे लगत्तै सामाजिक अभिभारा र संस्थागत उद्धेश्य अनुरुप दुःखको बेला मानवीय संवेदनामा रहेर सहयोग सङ्कलन अभियानमा जुटेको समाजका अध्यक्ष विष्णु खत्रीले बताए । “प्रवासमा हाम्रो एकता, सुख दुःखमा आपसी सामिप्यता” भन्ने मूल नारा सहित स्थापना भएको समाजले समय सापेक्षित विभिन्न कार्यक्रम आयोजना गर्दै समाजलाई चलायमान गराउँदै आइरहेको सन्दर्भ महासचिव सुवास ठकुरीले स्पष्ट पारे । उपचारकै क्रममा रहेको दुई बिरामी मध्ये लाल बहादुर बोहरा (प्रतिक) लाई समाजका महासचिव सुवास ठकुरी, सदस्यद्धय सबिन बोहरा र रत्न लिम्बुले प्रत्यक्ष भेटेर नै सहयोग हस्तान्तरण गरिएको हो भने पार्वती तामाङलाई उहाँकै खातामा सहयोग सिधा ट्रान्सफर गरिएको हो ।

शीघ्र स्वास्थ्य लाभको कामना गर्दै यो दुःखद घडीमा राहत र सान्तवना स्वरुप संस्थागत आर्थिक सङ्कलन अभियानमा जोडिनुहुने समस्त मनकारी व्यक्तित्वहरुमा वन्जु मुन्माक मैत्री समाजले हार्दिक धन्यवाद र आभार व्यक्त गरेको छ ।

आफ्नो प्रतिक्रिया दिनुहोस |
सम्बन्धित शिर्षकहरु
  • बुद्ध जन्म जयन्ती तथा नेपाल डे परेड सउलमा सम्पन्न
  • मे २६ मा नेपाली समपर्क समितिले छुसकको कार्यक्रम बाँडफाँड गर्दै
  • नेपालले बुद्धजयन्ती सउलमा परेड, साँस्कृतिक झाँकीसहित मे १९ मा मनाउने
  • भोजपूर परिवार दक्षिण कोरियाको दशौँ अधिवेशन सम्पन्न, अध्यक्षमा सुनिल बान्तावा
  • ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...