कोरियाको तीन शहर इक्सान, मुगुक र माजनमा जारी चलचित्र भब्य प्रदर्शन
मे ७ आइतवार कोरियाको ३ शहरहरुमा जारी चलचित्रको भब्य प्रदर्शन सम्पन्न भएको छ। दर्शकको अत्याधिक चापका कारण इक्सान र मुगुकमा २ शो गर्नु परेको थियो भने माजनमा हाउसफुलका साथ चलचित्र प्रदर्शन भएको थियो।
मुगुक शोमा दर्शक
इक्सान , मुगुक र माजनमा भएको सफल प्रदर्शनलाई क्रमश इक्सान नेपाली समाज, हिमालयन एफ सि र माजन एफ सीले आयोजना गरेका थिए। नेपालमा तेस्रो सातामा चलिरहेको जारीले १६ करोड ग्रस व्यापार गरिसकेको छ।
इक्सान शोमा दर्शक
लिम्बू संस्कारको जारी प्रथामा आधिरित चलचित्रले देश विदेशमा दर्शकको अथाह माया पाइरहेको छ। चलचित्रमा कलाकार दयाहाङ राई, मिरुना मगर, विजय बराल रेखा फागो आदिको अभिनय हेर्न सकिने छ। उपेन्द्र सुब्बाद्वारा लेखन तथा निर्देशन रहेको चलचित्रलाई रामबाबु गुरुङले निर्माण गरेका हुन्।
