कोरियाको ओन्याङ ओन्छनमा जारी चलचित्र भब्य प्रदर्शन
धनकुटा सेवा समाजले ब्लकबस्टर चलचित्र जारीको भब्य प्रदर्शन गरेको छ।अपृल ३० आइतबारको दिन कोरियाको ओन्याङ ओन्छनमा सफल प्रदर्शन गरेको हो। दर्शकको चाप अत्याधिक भएपछि दुइ शो प्रदर्शन गर्नुपरेको अध्यक्ष परदेश राईले जानकारी गराएका छन्।
विगतमा प्रदर्शन गरिएका चलचित्रहरु भन्दा जारी चलचित्र हेर्न आउने दर्शक बढि भएको र सबैले चलचित्रको कथावस्तु मन पराएको बताएका छन्। लिम्बू सँस्कृतीमा आधारित चलचित्र देश विदेशमा सफलापूर्वक प्रदर्शन भैरहेको छ। 
चलचित्रमा कलाकार दयाहाङ राई, मिरुना मगर, विजय बराल रेखा फागो आदिको अभिनय हेर्न सकिने छ। उपेन्द्र सुब्बाद्वारा लेखन तथा निर्देशन रहेको चलचित्रलाई रामबाबु गुरुङले निर्माण गरेका हुन्।
