नेपाली परोपकार समाज थेगुको छैंटौ महाधिवेशनबाट अजीत सापकोटा नेतृत्वको कार्यसमिति चयन
कोरिया स्थित नेपालीहरुको साझा संस्था नेपाली परोपकार समाज थेगुको छैटौ महाधिवेशन सम्पन्न भएको छ । थेगु सहरको कुजी खेलमैदानमा अप्रिल २३ तारिक आइतबार सम्पन्न सो महाधिवेशनबाट अजीत सापकोटा अध्यक्ष रहने गरि १७ सदस्यीय संरचनाको छैटौ कार्यसमिति गठन भएको हो ।
समाजका अध्यक्ष निमेश गुरुङको सभाध्यक्ष र सोही समाजका वरिष्ठ सल्लाहकार फत्त पुन मगरको प्रमुख आतिथ्यतामा पहिलो चरणको उद्घाटन सत्र सम्पन्न भएको थियो । समाजका महासचिव नविन बरालको स्वागत मन्तव्यसँगै शुरु भएको उक्त कार्यक्रममा सचिव अमृत अधिकारीले प्रगति विवरण र कोषाध्यक्ष मिलन थापा मगरले आर्थिक प्रतिवेदन पेश गरेका थिए ।
दोश्रो चरणको बन्द सत्र अन्तर्गत असिम आले मगररको संयोजकत्वमा, फत्त पुन मगर, डिलेन्द्र मगर र नविन बराल सदस्यीय रहेको निर्वाचन मण्डलले विधिवत् रुपमा गठन गरेको कार्यसमिति अध्यक्षमा अजीत सापकोटा, वरिष्ठ उपाध्यक्ष विधान राई, उपाध्यक्षहरुमा रोशन थापा मगर, प्रबित गुरुङ र पधमेन्द्र श्रेष्ठ चयन भएका छन् भने सचिवमा महेन्द्र भट्टराई, सहसचिवमा ध्रुव खाती साथै कोषाध्यक्षमा याम गुरुङ, सहकोषाध्यक्ष रामु घिमिर चयन भएका छन् । सदस्यहरुमा विवेक भट्टराई, गणेश खत्री, वसन्त नेम्बाङ, राजन न्यौपाने, डेबिट चन्द्र सुब्बा गुरुङ, रुद्र प्रताप मल्ल, पूर्ण लिम्बु र अविनाश पाण्डे कार्यसमितिमा आबद्ध भएका हुन् । उद्घाटन सत्रमा शाखा समाजका सचिव अमृत अधिकारी र बन्द सत्रमा समाजका निर्वाचन मण्डल संयोजक असिम आले मगरले कार्यक्रम सञ्चालन गरेका थिए ।
संस्थागत क्रियाकलापहरुमा विशेष सहयोग र योगदान पुर्याएबापत विभिन्न व्यक्तित्वहरुलाई सम्मान कार्यक्रम समेत जोडिएको सो अधिवेशनमा शुभकामना सहित अमूल्य समय प्रदान गरेर छैंटौ महाधिवेशन सफल पार्न उपस्थित आमन्त्रित अतिथिहरु, संस्था सम्बद्ध समस्त अग्रज व्यक्तित्व, सदस्य र शुभचिन्तकहरुमा नेपाली परोपकार समाजले हार्दिक धन्यवाद र आभार व्यक्त गरेको छ ।
