कलाबाट साहित्यमा हामफाल्दैं बाबु साईला

ऐश्वर्य श्रेष्ठ,सोल -एक महिनाको उपचारको क्रममा नेपाल छुट्टीमा गएका युवा चर्चित कलाकार बाबु साईलाले शनिबार मात्र फेरी कोरियामा पाईला टेकीसकेका छन् ।आफनो पानी रंग चित्रकलाबाट कोरियामा चर्चित रहेका यी कलाकार रंग र शब्दसंग उतिकैं खेल्न सिपालु छन् ।

जब कामबाट फुर्सद पाउछन् कि त कलामा रमन्छन्,कि त शब्दमा पोखिन थाल्छन् ।उनी भन्छन् ‘कोरियामा काम गर्न गाह्रो छ यही पिडाहरु म आफनो कला र साहित्यमा पस्किने जर्माको गरीरहन्छु । मलाई कला र साहित्यबाट शान्तिको आभास मिल्छ ।’साईला आफनो मनको व्यथा ओकल्छन् ।विदेशिएका नेपाली कामदारहरुको पिडा उतार्न र मानवीय संवेदना कलामा देखाउन सक्ने खुबी भएका कारण विदेशिएका नेपालीहरु माझ उनका पेन्टिंग लोकप्रिय छन् ।

चांडैं नैं दक्षिण कोरियाको सुवनमा आर्ट ग्यालरी खोल्ने तयारीमा रहेका बाबु साईला आफनो सांगीतिक एल्बम बजारमा ल्याउने तयारीमा रहेको बताउछन् ।कला बाहेक साहित्यमा गजल र कविता लेख्न विषेश दखल राख्ने साईलाले आफनो शब्दमा गजल,सेलो,फास्ट विटको गीतहरु समेटेर “सम्मिश्रण” एल्बम बजारमा ल्याउदैंछन् ।
एउटा गीतको म्युजिक भिडियो समेत छायांकन नेपालमा सकाएर आएको साईलाले “सम्मिश्रण” एल्बमको शाीर्ष गीत ‘बग्ने आंशु’को म्यजिक भिडियो सम्पादन भैंरहेको सकिन बितिकैं यही महिना भित्र सार्वजनिक गर्ने बताए ।
होस्टेल रिर्टन्सकी नायिका स्वस्तिमा खडका,दक्षिण कोरियामा रहेका जसु याख्खाको यो गीतमा अभिनय रहेको छ । लक्ष्मण पौंड्यालको निर्देशन,अर्जुन तिवारीको छायांकन रहेको छ ।काठमाण्डौंको विभिन्न ठांउमा छायांकन भएको यो अत्यन्त मार्मिक गजलमा आवाज र संगीत राज सिग्देलको रहेको छ ।

साहित्यमा समेत जम्दैं गएको बाबु साईलाको वास्तविक नाम भने ‘भीम सुब्बा तामांग’ हो ।रोगजार प्रणाली ईपिएसमार्फत २२ महिना अघि कोरिया आएको कलाकार साईलाले दक्षिण कोरियामा समेत आफना कलाको प्रदर्शनी गरीसकेका छन् ।