“प्रथम हिमालय कप फुटसल प्रतियोगिता २०२३” सम्पन्न, उपाधि फारन युनाईटेड फुटबल क्लब ह्वासाङ्गलाई

हिमालय फुटबल क्लब यांगसान (उल्सान शहर) ले योजना गरेको “प्रथम हिमालय कप फुटसल प्रतियोगिता २०२३” सम्पन्न भएको छ । साथै प्रतियोगिताको उपाधि फारन युनाईटेड फुटबल क्लब ह्वासाङ्गले चुम्न सफल भएको छ l “स्वास्थ्य नै खेलकुद ” भन्ने नाराको साथ आइतबार (अप्रिल २)का दिन दक्षिण कोरियाको दक्षिणी भेग यांगसान शहरम़ा भएको थियो ।

उक्त पहिलो नेपाली फुटसल प्रतियोगिताम़ा फारन युनाईटेड फुटबल क्लब रातो र फारन युनाईटेड फुटबल क्लब निलो दुवै टिम बिजेता र उप बिजेता भएको हो l

” ए ” पोलबाट सेमीफाइनलम़ा धरान फुटबल क्लबलाई पराजित गरि फारन युनाईटेड फुटबल क्लब “रातो ” फाइनल प्रबेश गरेको थियो। “बि ” पोलबाट भने सुवन फुटबल क्लबलाई पराजित गरि फारन युनाईटेड फुटबल क्लब ” निलो” ले फाइनलको लागि आफ्नो स्थान सूरक्षित गरेको थियो l

फाइनल खेलमा फारन युनाईटेड फुटबल क्लब रातोले निलोलाई पराजित गरि बिजेता बने।

उक्त प्रतियोगितामा आयोजक सहित २६ फुटबल टिम सहभागी रहेको थियो । उक्त फुटसल प्रतियोगिताम़ा बिजेता र उप बिजेता फारन युनाईटेड फुटबल क्लबले 30 लाख वान र 20 लाख वान सहित ट्रफि मेडल र प्रमाण पत्र हासिल गरेको थियो l

सर्बोकृष्ट गोलकिपर र उच्च गोलकर्ताको उपाधि पनि फारन युनाईटेड फुटबल क्लबकै दावा डुक्पा शेर्पा, किशोर योङ्गहांग र आशिष परियारले लिन सफल भयो l उत्कृष्ट खेलाडीहरुलाई जनही 1/1 लाख वान सहित पुरस्कृत गरिएको थियो l

समापन समारोहम़ा प्रमुख अथिति यांगसान शहर बैदेशिक सहायता केन्द्रका प्रमुख यू ख्यंग हे, बिशेष अतिथि नेपाल फुटबल महासंघ कोरियाका उपाध्यक्ष फिलिप गुरुङ्ग, फुटबल लेजेन्ट धनराज तामांग, नेपाल पत्रकार महासंघ कोरियाका बरिष्ठ उपाध्यक्ष सन्तोस खडका तथा संघ सस्थाका प्रतिनिधिहरुको उपस्थिति रहेको थियो l

त्यस्तै 2023 सिजनको दोस्रो फुटसल प्रतियोगिता ” प्रथम फारन युनाईटेड एफ सी फुटसल कप “अप्रिल 30 तारिख आइतबार सुवन शहरम़ा हुने भएको छ । त्यसैले सम्पूर्ण नेपाली फुटबल क्लबहरुलाई हार्दिक निमन्त्रणा गरेको जानकारी फारन युनाईटेड एफ सी का संयोजक मदन दुलालले बताएका छन् l