काभ्रे सम्पर्क समितीले शैक्षिक सामाग्री वितरण कार्यक्रम सम्पन्न


काभ्रे सम्पर्क समिति दक्षिण कोरियाले काभ्रेपलान्चोक जिल्लाको १३ स्थानीय तहका ३५ वटा बिध्यालयमा अध्ययनरत झण्डै ६ सय गरिब तथा जेहन्दार बिध्यार्थीहरुलाइ शैक्षिक सामाग्रीहरू वितरण गरेको छ ।

संस्थाले शैक्षिक पठनपाठनमा अब्बल भएका तर तुलनात्मक रुपमा आर्थिक स्थिति कमजोर विध्यार्थीहरुलाई स्कुल ब्याग, क्यालकुलेटर, जियोमेट्री बक्स, कापी, डट्पेन, पेन्सिल लगायतका शैक्षिक तथा स्टेसनरी सामाग्री वितरण गरेको हो । संस्थाले शैक्षिक सामाग्री बितरणका लागि १३ स्थानीय तहबाट प्रतिनिधित्व हुनेगरी छुट्टा छुट्टै संयोजक चयन गरेर मापदण्ड निर्धारण तथा जिम्मेवारी बाँडफाँड गरेका थिए ।

जिल्लाको ७ गाउँपालिकामध्ये प्रत्येक गाउँपालिकाबाट ३/३ का दरले विध्यालय छनोट गरिएको थियो भने तुलनात्मक रुपमा जिल्लाको सुगममा ३ वटा नगरपालिकामा १/१ विध्यालय छनोट गरेको थियो । बाँकी २ वटा नगरपालिकाबाट भने २/२ विध्यालयलाई छनोट गरेर शैक्षिक सामाग्री वितरण गरिएको हो ।

जिल्लाभर शैक्षिक अभियानको रुपमा सबै गाउँ/नगरसम्म पुगेर निशुल्क र गुणस्तरीय सार्वजनिक शिक्षाका लागि सहयोग र सहकार्य गर्न पाँउदा गौरवान्वित महसुस भएको काभ्रे सम्पर्क समितिका अध्यक्ष प्रकाश योन्जनले बताए । छनौटमा परेका प्रत्येक विध्यालयबाट न्युनतम १५ जना विध्यार्थीहरु गरिब तथा जेहन्दार छानिएका थिए ।

एक विध्यार्थीले एक झोला, पाँच कापी, एक क्यालकुलेर, एक जियोमेट्री बक्स, एक ड्ट्पेन, दुई पेन्सिलका दरले वितरण गरेका हुन् । प्राथमिकता तहमा अध्ययनरत विध्यार्थीहरुले जियोमेट्री बक्स पाएका थिए भने माध्यमिक तहका लागि क्यालकुलेटर सहित अन्य शैक्षिक सामाग्री  वितरण गरिएको थियो ।

समितिले पहिलो पटक जिल्लाभर सबै दुरदराजका गाउँ देखि नगरसम्मलाई समेटेर बृहत् परोपकारी कार्यक्रम गरेको संस्थाका वरिष्ठ उपाध्यक्ष मनोज मगरले  जानकारी दिए ।

नेपालबाट शैक्षिक सामाग्री ब्यबस्थापन संस्थाका सल्लाहकार हरिकृष्ण श्रेष्ठ, वितरण सहजीकरणमा पुर्व सल्लाहकार रामकृष्ण आचार्य, कार्यसमितिको तर्फबाट आशिष तामाङ, दिवाकर चौलागाईंले भूमिका निर्वाह गरेका थिए ।

समितिले कार्यसमितिका सदस्यबाट नियमित रुपमा संकलन गर्दै आएको लेवि, सदस्यता शुल्क तथा विभिन्न कार्यक्रम गर्दा बचत हुन गएको रकमबाट स्रोत ब्यवस्थापन गरेको उपाध्यक्ष सुमन चौलागाईंले बताए ।

उक्त अभियानमा साथ, सहयोग गर्ने सबैलाई धन्यवाद दिदैँ समृद्ध देश निर्माणको मुख्य आधार रहेको सार्वजनिक शिक्षा निशुल्क, गुणस्तरीय र सर्वसुलभ बनाउनको लागि राज्यलाई खबरदारी गर्ने र आगामी दिनमा पनि सक्दो सहयोगको काम गर्दै जाने संस्थाका अध्यक्ष योन्जनले प्रतिबद्धता ब्यक्त गरेका छन् ।

स्थायी घर काभ्रे भई कोरियामा कार्यरत नेपालीहरुको सुख दुःखमा हातेमालो गर्दै सामाजिक परोपकारी कार्यहरू गर्दै आईरहेको संस्था सन् २०११ मा स्थापना भएको थियो ।

तस्बीरः नोक बहादुर लामा / हरिसिद्दि मा.बि. कालिन्चोक

तस्बीरः नोक बहादुर लामा / हरिसिद्दि मा.बि. कालिन्चोक

तस्बीरः नोक बहादुर लामा / इन्द्रेदय निमाबि खार्पाचोक

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • ‘आप्रवासी नेपाली समाज ख्यङ्साङ्नामदो’ गठन
  • हर्क साम्पाङको श्रमदान अभियानलाई सयहोग गर्न कोरियामा नेपाली नयाँ बर्षमा सांगीतिक कार्यक्रम
  • सोमबार देखि सार्वजानिक सवारी साधनमा समेत माक्स लगाउन नपर्ने
  • धनकुटा सेवा समाजको छैठौं अधिबेशन सम्पन्न, अध्यक्षमा पुनः परदेश राई
  • ताजा अपडेट

    ईपिएस

    जहाज निर्माण कम्पनीका कामदारहरु अप्रिल ३० भित्र कोरिया प्रवेश गरिसक्नुपर्ने (नामावली सहित)

    जहाज निर्माण कम्पनी (Ship Building) का नियमित तथा प्रतिबद्ध कामदारहरु (CW) अप्रिल ३० भित्र  कोरिया प्रवेश गरिसक्नुपर्ने  भएको छ । त्यसैले यसका लागि आवश्यक  सम्पूर्ण तायारी पुरा गर्न भन्दै इपिएस कार्यालय ग्वार्खोले सूचना प्रकाशन गरेको हो । सूचनामा जहाज निर्माण कम्पनी ...

    कोरियामा कामदारलाई वैकल्पिक बिदा

    कोरियाली सरकारले देशमा सार्वजानिक बिदा कम भएको भन्दै वैकल्पिक बिदा दिने निर्णय गरेको छ । वर्षको १५ दिन सार्वजनिक बिदा दिँदै आएको सरकारले यस्ता बिदा सप्ताहान्तमा परे वैकल्पिक दिन बिदा दिने निर्णय गरेको छ । यसअघि नै केही बिदाहरुको वैकल्पिक बिदा दिने निर्णय ...

    कोरियामा श्रम नियम संसोधनको तयारी : हप्तामा ६९ घन्टासम्म काम गर्न पाइने

    कोरियाली सरकारले हप्तामा ५२ घण्टा भन्दा बढि कार्य गर्न नपाउने नियमलाई परिवर्तन गर्ने भएको छ । सोमबार प्रस्तुत गरिएको नयाँ नियम अनुसार कम्पनीले चाहे बढि समय पनि काम लगाउन सक्ने भएको छ । सन् २०१८ मा शुरू गरिएको हप्तामा ५२ घन्टा मात्रै काम गराउन पाउने प्रणाली धेरै ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...