सलनालमा कार्यक्रम नै कार्यक्रम


आउँदो शनिबार देखि सलनाल आर्थत नयाँ बर्षको लाग्दैछ । सलनालमा कोरियामा लामो कम्पनी विदा हुन्छ । यहि मौकामा विभिन्न कार्यक्रम गर्ने नेपाली संघसंस्था बीच चर्को प्रतिस्पर्धा छ । आफ्नो कार्यक्रम प्रचारप्रसार गर्न अहिले दोङदेमुनमा आयोजकहरु बाक्लै भेटिन्छन् ।
‘हामीले पनि एउटा सांगीतिक कार्यक्रम गर्दैछौं । अन्य साथीहरुले पनि गर्दै हुनुहुन्छ ।’ चितवन सम्पर्क समितिका अध्यक्ष राजकुमार स्याङतानले भने । ‘हाम्रो संस्थाले पहिले देखि नै जिल्लाको विपन्न केही विद्यार्थीलाई छात्रबृति दिदै आएको छ । त्यसैमा सहयोग भनेर कार्यक्रम गर्न लागेको हो । यो बर्ष हाम्रै पालो थियो ।’ उनले थपे ।
सलनालको पहिलो दिन चितवन सम्पर्क समितिले गायक उर्गेन दोङ, गायिका अनु चौधरी र डान्सर कविता नेपालीलाई कार्यक्रमको लागि कोरिया ल्याउँदैछ । शनिवार बेलुकी हुने कार्यक्रम रातै भरि चल्नेछ । दिउँसो भने नेपाल तामाङ घेदुङले सोनाम ल्होछार मनाउनेछ । घेदुङले पनि नेपालबाट गायक आरम्भ तामाङ, प्रकाश तितुङ र गायिका पुजा तामाङलाई सांगीतिक प्रस्तुतिका लागि यहाँ ल्याउँदैछ । सोलुखुम्बु समाजले पुस्तक विमोचन गर्दैछ । किराँत राई यायोख्खाले सुम्निमा पारुहाङ साहित्य साँझ गर्दैछ भने जनता समाजवादी पार्टीको प्रवास कमिटिले पनि चियापान कार्यक्रम गर्दैछ ।
सुदुर पश्चिम समाज दक्षिण कोरियाले सेती महाकाली सांगीतिक कार्यक्रम पनि पहिलो दिन नै गर्दैछ । गायक प्रकाश सपुत, टंक तिमिल्सिना, गायिका मेलिन राई, गौरी भट्ट र हास्य कलाकार सुमन कार्कीले प्रस्तुति दिने छन् ।
विदाको दोस्रो दिनको कार्यक्रम थप अस्तब्यस्त छ । ताप्लेजुङ सम्पर्क समितिले ताप्लेजुङ कञ्चनजंघा सांगीतिक धमका गर्दैछ । कार्यक्रमको लागि नेपालबाट गायक प्रमोद खरेल, खगेन्द्र याक्सो, गायिका एलिना चौहान, डान्सर रियासा दाहाल र हास्यकलाकार भरतमणी पौडेल आउँदैछन् । त्यस्तै नेपाल मगर संघ, दक्षिण कोरियाले पनि गायिका सिता थापामगरलाई कोरिया डाकेर माघे सकराती विशेष कार्यक्रम गर्दैछ । साँझ खोटाङ सम्पर्क समितिले डान्स पाटी गर्नेछ । त्यस्तै नेपकोर समूहले नेपकोर डान्सपाटी गर्दैछ । शेर्पा संघ दक्षिण कोरियाको ग्याल्बो ल्होसार कार्यक्रम पनि यहि दिन बेलुकी हुनेछ ।
दिउँसो आदिवासी जनजाति साहित्यकार÷लेखक महासंघको अधिबेशन तय भएको छ । सोहि कार्यक्रममा महासंघले निकालेको पुस्तक भुँईमान्छेको आवाज विमोचन हुँदैछ । कोरियामा लामो समय देखि कविता लेखिरहेका कवि पराजित पोमूको पुस्तक म द्धारा मेरो निर्माण पुस्तक विमोचन पनि हुनेछ । सलनालको तेस्रो दिन थारु कल्याणकारिणी सभा दक्षिण कोरियाले माघि मनाउने छ ।
सोलमा जे जस्तो कार्यक्रम भए पनि दोङदेमुन छेउछाउमै हुन्छ । ‘नेपाली पुग्ने ठाउँ भनेकै सोलमा दोङदेमुन हो । अलि छेउ तिर गर्दा मानिस नै नपुग्ने हुन सक्छ ।’ ताप्लेजुङ सम्पर्क समितिका अध्यक्ष सागर माङमू लिम्बू भन्छन् ।
सोल बाहिर पनि कार्यक्रम
सोल बाहिर धेरै नेपाली रहेको किम्हे, बुसानमा समेत यस पटकको सलनालमा विभिन्न कार्यक्रम हुने छन् । शनिबार नेपाल तामाङ घेदुङ, किम्हेबुसान शाखाले गायक आशुसेन लामाको साथमा सोनाम ल्होछार मनाउने छ । दोस्रो दिन किराँत राई यायोख्खाले यलम्बर सांगीतिक सौगात गर्नेछ । गायक राजेश पायल राई, गायिका मिलन नेवार, ज्याती मगर र हाँस्य कलाकार विल्सन विक्रम राईले प्रस्तुति दिनेछन् । बेलुकी ¥याप गायक लाहुरेको साथमा डान्स पाटी हुनेछ । तेस्रो दिन गैर आवासीय नेपाली संघ बुसान शाखाले पुल कम्पिडिसन २०२३ को आयोजना गरेको छ ।
सोल नजिकैको शहर सुवनमा पनि डान्स सलनालको पहिलो दिन बेलुकी लाहुरेकै समुहले डान्स पाटी गर्नेछ । सोल बाहिर यति धेरै कार्यक्रमको आयोजना भएको पहिलो पटक हो ।
कार्यक्रम आयोजना गर्न प्रतिस्पर्धा
कोरियामा नोभेम्बर ३० सम्म ४७ हजार ३ सय ६८ जना नेपाली रहेका छन् । यस मध्ये बसै भन्दा धेरै रोजगार अनुमति प्रणाली ईपिएस मार्फत ३६ हजार ९ सय ३६ जना आएका छन् । बाँकी विद्यार्थी लगाएतका भिसामा कोरियामा छन् ।
ईपिएस मार्फत यहाँ आएका नेपालीको एकै पटक विदा हुने भएकोले पनि आयोजकहरु सांगीतिक कार्यक्रम गर्न प्रतिस्पर्धा गर्ने गर्छन् । नेपाली नेपाली मिलेर कार्यक्रम गर्न सकोस भनेर नै नेपाली सम्पर्क समिति मार्फत सांगीतिक कार्यक्रम बाँड्ने गरिन्थ्यो । सालनालमा बढिमा ३ वटा कार्यक्रम हुन्थे । ‘यो पटक त्यस्तो भएन । जसलाई जसरी मन लाग्यो त्यसरी कार्यक्रम गरेको छ । मान्छेहरु कता कता जानु ? यसले सबैलाई बेफाइदा नै गर्छ ।’ ताप्लेजुङ कञ्चन्जंघा सांगीतिक धमकाका संयोजक मिराक लिम्बूले भने ।
नेपाली सम्पर्क समितिका अध्यक्ष श्री श्रेष्ठ भने कोरियाली सरकारले अझै कन्सर्ट जस्तो कार्यक्रम गर्न प्रतिवन्ध लाउन सक्ने संभावना भएकोले यो पटक कार्यक्रम बाँडफाँड नगरिएको बताए । ‘यहाँको सरकारको भर हुँदैन । हामीले कार्यक्रम गर्न दिउँला यहाँको सरकारले सलनालमा मान्छे जम्मा हुन प्रतिबन्ध लायो भने कसरी जिम्मेवारी लिने ? कोरोना बढेको बढेकै छ ।’ उनले भने । तीन बर्ष कम्पनी बाहिर निस्किन नपाएका साथीहरुले एकै पटक कार्यक्रम गर्दा यति धेरै कार्यक्रम भएको उनले बताए ।
पैसा कलाकारलाई ः हिसाब मात्रै आयोजकलाई
नेपालबाट कोरिया आउने गायिक गायिकालाई २ लाख देखि ५ लाख रुपैया आयोजकले दिएका छन् । हवाजभाडा, बस्ने, खाने र घुमघामको लागि थप खर्च लाग्छ । सांगीतिक कार्यक्रम गर्नका लागि ठूला हलहरु सोलमा ७ लाख देखि १२ लाख रुपैयाँ बुझाउनु पर्छ । एउटा सांगीतिक कार्यक्रमका लागि २५ लाख रुपैया भन्दा बढि आयोजकले खर्चिन्छन् । ठूला सांगीतिक व्यान्डका लागि थप पैसा खर्चिनु पर्छ ।
‘महिनौ साथीभाइलाई किच किच गरेर सहयोग गर सहयोग गर भनेर भन्दा भन्दा लाजै लाग्छ । पैसा आयोजकले भन्दा पनि गायक गायिकाले लैजान्छन् । कार्यक्रम घाटा भए एक एक महिनाको तलब बुझाउनु पर्छ भनेका छन् ।’ नाम नलेख्ने शर्तमा आयोजकका एक सदस्यले भने । ‘कोरियामा सांगीतिक कार्यक्रम ग¥यो भने संस्थाको बारेमा धेरै नेपालीलाई थाहा हुन्छ । फाइदा भनेको त्यही हो ।’
सबै आयोजकले कार्यक्रमबाट नाफा भएमा वभिन्न काम गर्ने योजना बनाएका छन् । सुदुर पश्चिम समाजले कोरियामै सेल्टर स्थापना गर्ने जनाएको छ । चितवन सम्पर्क समितिले विद्यार्थीलाई छात्रवृत्ति, किराँत राई यायोख्खाले सुम्निमा घरको निर्माण गर्ने योजना बनाएको छ । ताप्लेजुङ सम्पर्क समितिले भने जिल्लाको स्वास्थ्य चौकीमा औषधी राख्न प्रयोग हुने फ्रिज किन्न मुनाफा प्रयोग गर्ने बताएको छ ।
सांगीतिक कार्यक्रमको प्रवेश शुल्क ३० हजार वन अर्थात तीन हजार रुपैया छ । सफल सांगीतिक कार्यक्रम आयोजना गर्न एक हजार भन्दा बढि दर्शक हुन आवश्यक छ । एकै ठाउँमा दिनमा तीनवटा भन्दा बढि सांगीतिक कार्यक्रम आयोजना गरेर कोरियामा हरेका संघसंस्थाले आम्दानी पनि गर्छन कि एक महिनाको तलब खर्चिन्छन् हेर्न बाँकी नै छ !

आफ्नो प्रतिक्रिया दिनुहोस |
सम्बन्धित शिर्षकहरु
  • सलनालमा सुम्निमा पारुहाङ साहित्य साँझ सम्पन्न
  • कवि पराजित पोमूको ‘म द्धारा मेरो निर्माण’को विमोचन
  • कवि पराजित पोमूको कविता संग्रह म द्धारा मेरो निर्माणको सार्वजानिक जनवरी २२ मा हुने
  • सलनालमा “सुम्निमा पारुहाङ साहित्य साँझ ” हुने
  • ईपिएस

    कोरियामा एक नेपालीले झुन्डिएर आत्महत्या : तीन महिनामा ७ नेपालीको ज्यान गयो

    रोजगार अनुमति प्रणाली (ईपिएस) मार्फत रोजगारीका लागि कोरिया आएकी २७ बर्षिय निर्मला तामाङले सोमबार आत्महत्या गरिकी छिन् । उनी सात महिना अघि मात्रै यहाँ आएकी थिइन् । कृषि कामदारको रुपमा आएकी तामाङले पहिलो कम्पनीमा काम गाह्रो भएकोले कम्पनी परिवर्तन गरेको कोरियामै ...

    कोरियाले नेपालसहित १६ देश संग इपिएसकाे सम्झौता नवीकरण गर्ने

    दक्षिण कोरियाले नेपालसहित १६ मुलुकसँगको रोजगार अनुमति प्रणाली (इपिएस) सम्झौता एकैपटक नवीकरण गर्ने भएको छ। सन् २०२० देखि नवीकरणको प्रक्रियामा रहेको सम्झौता १६ मुलुककै एकैपटक गर्ने भएकाले केही ढिलाइ भएको इपिएस शाखाका निर्देशक पुष्पराज कटुवालले जानकारी ...

    ईपिएस मार्फत कोरिया आएका कामदारलाई खुकमिन एनगुममा सहभागि गराउन माग

    रोजगार अनुमति प्रणाली ईपिएस मार्फत दक्षिण कोरियामा रहेका कामदारहरुले यहाँको राष्ट्रिय पेन्सन विमा (खुकमिन एनगुम)मा नेपाली पनि सहभागि हुन पर्ने माग राखेका छन् । श्रम तथा रोजगार मन्त्री शेर बहादुर कँुवर र ईपिएस कोरिया शाखाका निर्देशक पुष्प कुटुवालसँग जुम भर्चुअल ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...