ताप्लेजुङ सम्पर्क समितिले सलनालमा कञ्चनजंघा सांगीतिक धमाका गर्ने
ताप्लेजुङ सम्पर्क समिति दक्षिण कोरियाले सलनालको दोस्रो दिन ताप्लेजुङ कञ्चनजंघा सांगीतिक धमाका २०२३ गर्ने भएको छ । जिल्लाको शिक्षा र स्वास्थ्यको सहयोगार्थ गर्न लागेको कार्यक्रममा
नेपालका चर्चित गायक प्रमोद खरेल, खगेन्द्र याक्सो गायिका एलिना चौहान, अभिनेत्री डान्सर रियासा दाहाल चर्चित हाँस्यव्यंग्य कलाकार भरतमणि पौडेलले प्रस्तुति दिने छन् ।
ताप्लेजुङ सम्पर्क समिति दक्षिण कोरियाका अध्यक्ष सागर माङमू लिम्बूले ताप्लेजुङ जिल्ला क्षेत्रको ठाउँहरु एकदमै विकट भएको र त्यस्तो ठाउँमा सरकारले गरेको सहयोग पनि कम भएको बताएका छन् । ‘हामीले एउटा सानो सहयोगको लागि यो कार्यक्रम गरेका हौ। यसमा कोरियामा रहनु हुने सबै साथीले सहयोग गर्नु हुन्छ भन्ने विश्वास लिएका छौं ।’ उनले भने ।
कार्यक्रम संयोजक मिरक लिम्बूले पनि कार्यक्रमलाई सहयोग गर्न आग्रह गरे । ‘सबै क्षेत्रका कलाकारलाई ल्याउने जमर्को गरेका छौं । कोरियामा रहेका नेपालीलाई रमाइलो हुने आशा लिएका छौं ।’ उने भने ।
पूर्वाञ्चल सरोकार समाजका अध्यक्ष अमृत राईले कोरोना समय पछिको कार्यक्रम भएकोले सबैलाई रमाइलो बनाउने बताए । ‘यो सबैको लागि कार्यक्रम हो । अनि सामाजिक सेवा पनि हुने भएकोले सबैलाई कार्यक्रममा सहभागी हुन आग्रह गर्दछौं ।’
