कोरियामा निधन भएका ईन्द्र गुरुङको श्रद्धाञ्जली सभा अक्टोबर ०२ मा गरिने

लमजुङ जिल्ला बेसीशहर नगरपालिका वडा नं. ९ बिम्दा स्थायी घर भई कोरियामा कार्यरत स्व. ईन्द्र गुरुङको सम्झनामा आउँदो अक्टोबर ०२ मा श्रद्धाञ्जली सभा कार्यक्रमको आयोजना गरिने भएको छ । तमू धीं दक्षिण कोरिया र लमजुङ परिवार दक्षिण कोरियाको संयुक्त आयोजनामा दिवंगत आत्माको चीर शान्तिको कामना एवं शोक सन्तप्त परिवारजनमा समवेदना प्रकट गर्ने उद्धेश्यले उक्त सभाको आयोजना गरिएको हो ।

कोरियाको राजधानी सउलदेखि करिब २ सय किमीको दुरीमा रहेको छुङनाम सिटिको छङयाङ गाउँको पिबोङम्यन भन्ने स्थानमा रहेको एक बुंगर फार्ममा कार्यरत रहेका गुरुङको सेप्टेम्बर १६ तारिख राती कार्यस्थल दुर्घटनामा परि निधन भएको थियो । गुरुङसँगै उनका सहकर्मी एक कोरियन नागरिकको पनि सोही दुर्घटनामा निधन भएको थियो । लामो समयदेखि दक्षिण कोरियामा कार्यरत रहेका स्व. गुरुङ तमू धीं दक्षिण कोरियाका अजीवन सदस्य तथा लमजुङ परिवार दक्षिण कोरियाका सल्लाहकारको रुपमा आबद्ध रहँदै अति सहयोगी, मिलनसार र सामाजिक कार्यमा सक्रिय व्यक्तित्व थिए ।

तमू धीं दक्षिण कोरिया र लमजुङ परिवार दक्षिण कोरियाको संयुक्त आयोजनामा हुन गईरहेको श्रद्धाञ्जली सभामा संस्था सम्बद्ध संरक्षक, बरिष्ठ सल्लाहकार, सल्लाहकार, शाखाका अध्यक्ष, विभागीय उपसमितिका संयोजक तथा उपसंयोजक लगायत शुभचिन्तक तथा सम्पूर्ण नेपालीहरुमा आयोजक संस्थाले उपस्थितिको लागि हार्दिक अनुरोध गरेको छ ।

श्रद्धाञ्जली सभा कार्यक्रम तपसिल

मिति : २०२२/१०/०२ आइतबार
समय : बिहान ११ः०० बजे
स्थान : नेपाल बौद्ध परिवारको कार्यलय (पुरानो नागर्जुन गुम्बा) IBK BANK को भवन, 지행 लाईन नं. १, सउल मेट्रो