कोरियाको किम्हे सहरमा प्रेमगीत ३ प्रदर्शन हुँदै
पहिलो पटक विश्वका विभिन्न देशहरुमा एकसाथ रिलिज गरिएको सुपरहिट नेपाली चलचित्र प्रेमगीत ३ कोरियाको किम्हे सहरमा प्रदर्शन हुने भएको छ। किरात याक्थुङ चुम्लुङ बुसानको आयोजनामा अक्टोबर १६ तारिख “गाया थेहाक्योमा” दिउँसो १ बजे प्रदर्शन हुने अध्यक्ष सञ्जोग कन्दङ्वाले जानकारी दिएका छन्।
सेल्टर सञ्चालन सहयोगार्थ प्रदर्शन हुन लागेको चलचित्र हेर्नका लागि आयोजकले सबैमा अनुरोध गरेको छ। कार्यक्रम हल जानको लागि किम्हे सिजाङ (सिन्हान बैंङ्क) स्टेसनबाट 1, 59-1, 59-1A, 59-1B बसबाट १५ मिनेटको दूरीमा र लाइट ट्रेनबाट गाया थेहाक्यो ओर्लेर पैदल पनि जान सकिने छ्।
सेप्टेम्बर २५ मा कोरियाको राजधानी सउल शो भैसकेको यस चलचित्रमा प्रदिप खड्का, कृस्टिना गुरुङ, सुनिल थापा, सन्तोष सेन आदिको अभिनय हेर्न सकिन्छ्।
