नेपाल मगर संघ द. कोरियाको वार्षिक साधारण सभा मे १५ मा हुने

कोरिया स्थित नेपाल मगर संघ केन्द्रीय कार्यसमितिको वार्षिक साधारण सभा यही मे महिनाको १५ तारिक हुने भएको छ । संघको दशौं कार्यसमितिले आफ्नो वितेको एक वर्षको प्रगति विवरण सहित आर्थिक प्रतिवेदन प्रस्तुत गर्ने र आगामी वार्षिक कार्ययोजनाको विषयमा छलफल गर्ने उद्धेश्यले उक्त साधारण सभा सउल स्थित NRNA को सभा हल जोङ्गाकमा गर्ने भएको हो ।

सन् २००३ मा स्थापना भएको नेपाल मगर संघ दक्षिण कोरियाले विभिन्न संघ संस्थाहरुसँग सहकार्य र समन्वय गर्दै झण्डै दुई दशक लामो इतिहासको यात्रामा विविध अप्ठ्यारो परिस्थितिको सामना गर्दै आफ्नो जातीय भाषा, धर्म, रीतिरिवाज, अस्तित्व तथा पहिचानको संरक्षण र सम्बर्द्धनमा टेवा पुर्याउँदै आईरहेको संघका केन्द्रीय अध्यक्ष टेक पुन मगरले बताए । कोरियाभरि आफ्नो तीन शाखा विस्तार गरिसकेको यस संघले विगत लामो समयदेखि सउलको दोङ्देमुन, किम्हे र थेगुमा समेतमा सेल्टरहरु सञ्चालन गरेर सेवा दिईरहेको सन्दर्भ सोही संस्थाका महासचिव केसर राना मगरले थपे ।

यस कार्यक्रमलाई सफलतापूर्वक सम्पन्न गर्न शाखाका अध्यक्ष, पदाधिकारीहरु एवं सदस्यहरु, संस्था सम्बद्ध सल्लाहकारहरु, विभागीय प्रमुखहरु, खेलाडीहरु, संस्थाका समस्त शुभचिन्तक, मगर दाजुभाई तथा दिदीबहिनीहरुलाई गरिमामय उपस्थितिको लागी आयोजकले अनुरोध गरेको छ ।

कार्यक्रम तपसिल :
मिति : २०२२ मे १५ तारिक आइतबार
समय : बिहानको ठिक ११:०० बजे
स्थान : NRNA को सभा हल, जोङ्गाक
जाने तरिका : ट्रेन लाईन नं. १, जोङ्गाक यकको गेट नं. १ को नजिकै