रुबिन र्यापरको पहिलो सांगीतिक कोसेली “रैला” सार्वजनिक
कोरियामा रहेका रुबिन र्यापरले गीतसंगीत क्षेत्रमा डेब्यू गर्दै पहिलो सांगीतिक कोसेली स्वरुप र्याप गीत “रैला” सार्वजनिक गरेका छन् । गीतमा अहिलेको युवा पुस्ताले गर्ने रैला अर्थात बदमासी गतिविधिको साथै आचरण, व्यवहार र मायाप्रेमको बारेमा चित्रण गरिएको छ ।
रुबिन र्यापरको सुमधुर स्वरले सझिएको यस गीतमा उनकै शब्द/संगीत रहेको छ । गीतको निर्देशन प्रविण श्रेष्ठले गरेका छन् भने क्यामेरा र सम्पादनको सम्पूर्ण जिम्मा दीपक पौडेलले सम्हालेका हुन् । कोरियाको राजधानी सउल र आसपासमा छायांकन गरिएको यस गीतमा स्वयं रुबिन र्यापर, बीरेन्द्र नौभाग्य, प्रीतिजा, गोपिका नेपाल, प्रमिला कार्की, दीप मगर, रामु मगर र प्रविण श्रेष्ठ लगायतको अभिनय देख्न सकिन्छ ।
बिट प्रोडक्सन 4Z DRIPP रहेको छ भने ख्वाङ्जु स्थितको एक रेकर्डिङ स्टुडियोमा गीतको रेकर्डिङ गरिएको हो । मिक्सिङ एण्ड मास्टरिङ 101 क्यापिटल स्टुडियो काठमाण्डौंको रहेको छ । यस गीतको म्यूजिक भिडियो २०७८ फाल्गुण २१ (मार्च ५) मा सार्वजनिक गर्दै अफिसियल मिडिया KD STUDIO यूट्यूब च्यानल मार्फत नेपाली सांगीतिक बजारमा उपलब्ध छ ।
[भिडियो हेर्न तल को यूट्यूब लिंक क्लिक गर्नुहोला]
