शेर्पा संघको ल्होसार शुभकामना आदानप्रदान तथा विश्वव्यापी अनलाईन नृत्यको नतिजा सार्वजनिक

शेर्पा संघ दक्षिण कोरियाले तग ल्हो २१४९औ ग्याल्बो ल्होसारको अवसरमा शुभकामना आदनप्रदान तथा विश्वब्यापी अनलाइन शेर्पा साँस्कृतिक एकल नृत्य प्रतियोगिताको नतिजा सार्बजनिक भएको छ ।
आइतबार भएको कार्यक्रमम कोरियामा रहेका विभिन्न संघसस्थाले ल्होसारको शुभकामना दिएका थिए । विश्व शेर्पा संघका अध्यक्ष आङ दोर्जी लामा प्रमुख अतिथ्यमा सम्पन्न जुम मार्फत भएकाे कार्यक्रममा नेपाल आदिवासी जनजाति महासंघ दक्षिण कोरिया कार्यवाहक अध्यक्ष बिशन राई, एनआरएनए दक्षिण कोरियाका अध्यक्ष दिपक पुन, नेपाल सम्पर्क समितिका उपाध्यक्ष हरि खनाल, नेफिन बुसान शाखाका अध्यक्ष परी गुरूङले पनि शुभकामना व्यक्त गरेका थिए । त्यस्तै नेपाल तामाङ घेदुङका उपाध्यक्ष राम तामाङ, तमु धिं दक्षिण कोरियाका अध्यक्ष लेसन गुरूङ, नेपाल मगर संघ कोरिया अध्यक्ष टेक पुन मगर, जसपा नेपाली समाजका अध्यक्ष दर्पण गुरूङ, चितवन सम्पर्क समितिका अध्यक्ष राज कुमार स्याङतान, सिन्धुपाल्चोक समाजका अध्यक्ष उत्सब खड्का, सनातन साहित्य सङ्गीत साधना समूह पाँच सका अध्यक्ष कमल भण्डारी, न्यु भिजनका अध्यक्ष दिपेन्द्र अधिकारी लगायतले पनि शुभकामना दिएका थिए ।
फेसबुक लाईक र भ्युजको आधारमा विजेता छनोट गरिएको प्रतियोगितामा एन्टवर्पेन , बेल्जियममा बसोबास गर्दै आएका ल्हाक्पा याङजी शेर्पा प्रथम, सोलुखुम्बूकी मिङमा सोनाम शेर्पा द्धितीय र न्योयार्क अमेरिका बस्ने ल्हाक्पा नुुर्बु शेर्पाले तृतीय स्थान हासिल गरेका छन् । यस्तै उत्कृष्ट मौलिक भेषभुषामा सोलुखुम्बुका देछेन शेर्पा पुरस्कृत भएका छन् ।
नेपाल आदिवासी जनजाति महासंघ दक्षिण कोरिया निवर्तमान अध्यक्ष युगेल तेण्डुप शेर्पा, हिमालयन शेर्पा सांस्कृतिक केन्द्रका नृत्य प्रशिक्षक पासाङ छिरिङ शेर्पा र कलाकार ल्हाक्पा छोदेन शेर्पा सम्मीलित निर्णायक मण्डलले विजेताको नतिजा सार्वजनिक गरेका हो ।