तमू धीं थेगु शाखा द. कोरियाको दोश्रो अधिवेशन यहि डिसेम्बर १२ तारिक हुने

बोम्जन गुरुङ
०५ डिसेम्बर २०२१, सउल कोरिया

“प्ये म्हस्याँ छ्या म्हमु, छ्या म्हस्याँ छ्या ल्हु म्हमु, ल्हु म्हस्याँ म्हि म्हमु” अर्थात् “शास्त्र हराए, संस्कार हराउँछ, संस्कार हराए संस्कृति हराउँछ, संस्कृति हराए मान्छे (जाति) नै हराउँछ ।” भन्ने तमू (गुरुङ) समुदायको विश्वब्यापी नारालाई आत्मासाथ गर्दै आएको संस्थागत मूल नारालाई अनुशरण गर्दै सन् २०१८ मा स्थापित तमू धीं थेगु शाखा दक्षिण कोरियाको दोश्रो अधिवेशन यही डिसेम्बर १२ तारिक थेगुस्थित बालाजी रेष्टुरेण्टुमा हुने भएको छ ।

संस्थाको पहिलो कार्यसमितिको सफलतापूर्वक कार्यकाल पूरा भएर आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई ध्यानमा राख्दै सो अधिवेशन गर्न लागिएको संस्थाका अध्यक्ष हर्क गुरुङले जानकारी दिए । यस शाखा संस्थाले प्रवासमा रहेका तमू (गुरुङ) हरुलाई एकताबद्ध गराएर आफ्नो मौलिक संस्कार, संस्कृति, भाषा, भेषभूषा र परम्परालाई संरक्षण र सम्बर्द्धन गर्दै जातीय अस्तित्वमा टेवा पुर्याउँदै आइरहेको सन्दर्भ उल्लेख गर्दै विभिन्न समस्याहरुमा आर्थिक, भौतिक सहयोग उपलब्ध गर्दै आइरहेको यस संस्थाका सचिव बिल गुरुङले स्पष्ट पारे ।

यस अधिवेशनलाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्धिजीवी, शुभचिन्तक, समस्त महानुभावहरुलाई तमू धीं थेगु शाखा दक्षिण कोरियाले उपस्थितिको लागि हार्दिक अनुरोध गरेको छ ।

तपसिल :
मिति : २०२१ डिसेम्बर १२ आइतबार
समय : बिहान ठिक १०:०० बजे
स्थान : बालाजी रेष्टुरेण्टु थेगु कोरिया