कोरियामा रहेकी बिरामी सञ्जु थापाले पाईन् स्याङ्जा परिवारबाट आर्थिक सहयोग

बोम्जन गुरुङ
१२ नोभेम्बर २०२१, सउल कोरिया ।

स्याङ्जा जिल्ला जन्मघर भई (हाल नवपरासी) रोजगारीको सिलसिलामा कोरिया आएका सञ्जु थापाको स्वास्थ्यमा जटिल समस्या देखिएपछि स्याङ्जा परिवार दक्षिण कोरियाको पहलमा संकलित १०,७२,५०८/- कोरियन वोन (एक लाख नेपाली रुपैंया भन्दा बढि) बिरामीलाई हस्तान्तरण गरिएको छ । थापा Face Paralysis भएर सउलस्थित गुब्यनदारी साराङ प्लस अस्पतालमा भर्ना भएकी थिईन् ।

उपचार धेरै खर्च महङ्गो भएकोले उनकै अनुरोध बमोजिम स्याङ्जा परिवारले आर्थिक सहयोगको अपिल गर्दै विज्ञप्ति सार्वजनिक गरेको थियो । संस्थागत पहलमा संकलित सबै रकम बिरामीकै खातामा जम्मा गरिसकिएको स्याङ्जा परिवार दक्षिण कोरियाका केन्द्रीय अध्यक्ष विजय थापाले बताए । जारी विज्ञप्तिमा अवधि अनुरुप अभियान बन्द गरिएको र सहयोगीहरुको विवरण संस्थासँग सुरक्षित रहेको केन्द्रीय सचिव माधव अर्यालले बताए ।

सहयोगमा जुट्नुहुने सबै मनकारी व्यक्ति र संस्थाप्रति आभार प्रकट गर्दै पछिल्लो समय अस्पताल डिस्चार्ज भएपनि दिनहुँ आँखाको थेरापी गराईरहेकी र स्वास्थ्य सुधारोन्मुख रहेको बिरामी थापाले जानकारी दिएकी छिन् । प्रवास बसाईको क्रममा संस्थागत अपिल र अभियानलाई सफल बनाउन सहयोग गर्नुहुने तमाम मनकारी व्यक्तित्वहरुलाई स्याङ्जा परिवार दक्षिण कोरियाले धन्यवाद व्यक्त गरेको छ ।