ब्रेन ट्यूमर बिरामी गुरुङको यसरी भयो जीवन रक्षा ।
बोम्जन गुरुङ
११ नोभेम्बर २०२१, सउल कोरिया ।
चितवन स्थायी घर भई रोजगारीको सिलसिलामा कोरियामा रहेका राम बहादुर गुरुङलाई ब्रेन ट्यूमर जस्तो जटिल रोग लागेपछि गुरुङको जीवन रक्षाका लागी कोरियास्थित दुई संस्था चितवन सम्पर्क समिति र तमू धींको विशेष पहलमा ६२,५४,६६५/-कोरियन वोन (करिब साढे छ लाख नेपाली रुपैंया) रकम संकलन भएको छ । स्वास्थ्यमा जटिलता देखिएका कारण एमआरआई परीक्षणमा गुरुङलाई ब्रेन ट्यूमर देखिएको र उपचार खर्च अत्याधिक हुने भएकोले “राम बहादुर गुरुङ बचाउ अभियान” संचालन गरिएको थियो ।
उपचारार्थ गुरुङको लागि संचालन गरिएको सो अभियानका लागि तमू धीं दक्षिण कोरिया र चितवन सम्पर्क समितिको सामूहिक विज्ञप्ति निकाल्दै सहयोगको अपिल गरेको थियो । अभियानमा जम्मा संकलित रकम ६२,५४,६६५/- कोरियन वोन मध्ये कुल खर्च ३९,५६,४७०/- कोरियन वोन घटाई बाँकी रहेको २२,९८,१९५/- कोरियन वोनमा थोरै रकम थपि २३,००,०००/- कोरियन वोन बिरामीको थप उपचारको लागी प्रदान गरिएको जानकारी संस्थाले विज्ञप्ति मार्फत सार्वजनिक गरेको छ । पछिल्लो समय स्वास्थ्यमा क्रमिक सुधार देखिएका गुरुङ थप उपचारका लागि यही नोभेम्बर ०७ तारिक जन्मभूमि नेपाल प्रस्थान गरिसकेका छन् ।
स्वास्थ्य लाभको कामना गर्दै मानविय संवेदना सहित सहयोगमा जुट्नुहुने सबै मनकारी व्यक्ति र संस्थाप्रति सो अभियान संयोजक जित गुरुङले हार्दिक आभार प्रकट गरेका छन् । सहयोगीहरुको विवरण संस्थासँग सुरक्षित रहेको तमू धीं दक्षिण कोरियाका केन्द्रीय अध्यक्ष लेसन गुरुङले बताए । बिरामीको घर परिवारबाट आर्थिक सहयोगको अपेक्षा अनुसार सहयोग जुटेकोमा सम्पूर्ण सहयोगीहरुप्रति हार्दिक आभार व्यक्त गर्दै चितवन सम्पर्क समिति दक्षिण कोरियाका अध्यक्ष विजय अर्यालले खुशी व्यक्त गरे ।
सहयोगी व्यक्ति/संस्थाको नामवाली :
