तामाङ चिकित्सक समाजद्वारा दुबै मृगौला फेल भएकी रञ्जना तामाङलाई ४ लाख आर्थिक सहयोग
तामाङ डाक्टरहरुको संस्था ‘तामाङ चिकित्सक समाज’द्वारा दुबै मृगौला फेल भएकी रञ्जना तामाङलाई करिब ४ लाख रुपियाँ आर्थिक सहयोग गरेको छ ।
गत शुक्रबार काठमाडौ बौद्धमा एक कार्यक्रम गरि समाजको संस्थापक कोषाध्यक्ष डा. निराजन तामाङको उपस्थितिमा बिरामी रन्जनाको दाजु हर्कमान तामाङलाई चार लाख एक हजार तीन सय उनान्तिस (रु ४००१३२९) सहयोग रकम हस्तान्तरण गरिएको हो ।
तेमाल ९ पालुघाटका दुबै मृगौला फेल भएकी २३ बर्षिया तामाङको भक्तपुर क्यान्सर अस्पतालमा डाईलाइसिस गराइरहेको छ । आफ्नै बुबाले मृगौला दान गर्ने भएपछि प्रत्यारोपणको लागि प्रक्रियाको सुरु भैसकेको छ । परिवारको आर्थिक अवस्था कम्जोर भएकोले तेमाल पालुघाटकै ‘पालुघाट युथ फोरम’को अग्रसरतामा आर्थिक सहयोग संकलन कार्य भैरहेको छ । यस अभियानलाई विश्वास गरेर यसरी यति ठूलो आर्थिक सहयोग गरेकोमा तामाङ चिकित्सक समाजलाई युथ फोरम पालुघाट तथा बिरामीको परिवारले धन्यवाद दिएको छ । साथै मृगौला दान गर्ने बिरामीको बुबाको स्वास्थ परिक्षण भैरहेको र परिक्षण सफल हुना साथ मृगौला प्रत्यारोपणको कार्य सुरु हुने जानकारी समेत युथ फोरमले दिएको छ ।
आर्थिक सहयोग गर्नेहरुको विवरण
आर्थिक सहयोग गर्नेहरुको विवरण
उक्त सहयोग हस्तान्तरण कार्यक्रममा समाजसेवी कमल तामाङ, हस्त ब. तामाङ, ब्यवसायी आशिष लामा, युवा पर्यटन ब्यवसायी नरध्वज तामाङ (क्षितिज), युवा राजनीतिकर्मी गोर्खाराज लामा र सेलो कलाकार प्रेम लोप्चन लगायत अन्य धेरै महानुभावहरुको उपस्थिति रहेका थिए ।
