दक्षिण कोरियाले प्रवासी श्रमिक पुनः प्रवेशमा गर्यो खुकुलो
दक्षिण कोरियाको श्रम तथा कानुन मन्त्रालयले विदेशी श्रमिकले सूरूको कम्पनी परिवर्तन गरेता पनि आफ्नो साहुले चाहेमा प्रतिबद्ध कामदार (कमिटेड वर्कर)को रूपमा कोरियामा पुनः प्रवेश गर्न सकिने नयाँ नियम पारित गरेको छ । यसबाट कोरियामा कार्यरत लाखौ इपिएस श्रमिक लावन्भित हुने देखिन्छ ।
यस अघि कम्पनी परिबर्तन नगरेका श्रमिक ४ वर्ष १० महिना एउटै कम्पनीमा बिताएकाले मात्र कम्पनीको मालिकको अनुमतिमा पुनः आउन पाउने दक्षिण कोरिया सरकारको नियम थियो ।
यो सगैं विभिन्न जुनसुकै कारणले कम्पनीमा परिवर्तन गरेका कामदर हालको कम्पनीमा एकवर्षभन्दामाथि अवधि काम गरेका जोसुकै प्रतिबद्ध कामदारको रूपमा सहजै आउन पाउने भएको छ । यदि अन्तिमको एकवर्ष एउटै कम्पनीमा काम नगरेको भएता पनि पहिलाको कम्पनिको कारणले कार्यस्थल परिबर्तन गरेको खण्डमा भने पुनः आउन मिल्ने श्रम मन्त्रालयको नियममा उल्लेख छ ।
कोरियन सरकारले केहि महिना पहिला कार्यस्थल परिबर्तन गरेतापनि उस्तै खालको काम गरेमा मात्र प्रतिबद्व कामदारको रुपमा आउन पाउने नियम ल्याएको भएतापनि यसबाट श्रमिकहरु खासै लाभान्वित हुन सकेका थिएन ।
यो कानून यहि अक्टोबर १४ तारिकबाट लागू हुने प्रवासी मजदुर युनियन दक्षिण कोरियाका अध्यक्ष उदय राइले जानकारी दिनुभयो । साथै यो नियम उत्पादनमुलक, कृषि तथा मत्स्यपालन लगाएत सम्पूर्ण क्षेत्रमा लागु हुने पछिल्लो श्रम नियमलाई समेत उदृत गर्दै अध्यक्ष राइले बताए ।
श्रमिकले स्वतन्त्र रुपमा कम्पनि परिबर्तन गर्न पाउनु पर्ने तथा कम्पनि परिबर्तन गरेतापनि कमिटेड कामदारको रुपमा पुनः कोरिया आउन पाउनु पर्ने माग राख्दै कोरियाका श्रमिक युनियनहरुः एमटियु, केसिटियुले निरन्तर रुपमा सरकारलाई दवाव दिदै आएका छन् ।
साथै मन्त्रालयले विश्वब्यपी कोरोना महामारीले कोरियाको कम्पनीमा श्रमिक जनशाक्तिको अभाव हुदैँ गएपछि कोरियामा कार्यरत लाखौ इपिएस श्रमिक लक्षित नियममा खुकुलो गरेको अनुमान सहजै लगाउन सकिन्छ । यो नियम पारित भएपछि इपिएस श्रमिकहरुको हर्षित धेरै अभिव्यत्तिहरू सामाजिक सञ्जालमा देखिन्छन् ।
