अनेसास दक्षिण कोरिया च्याप्टरद्धारा युवाकवि मोतीराम भट्टको जन्मजयन्ती विशेष गजल वाचन कार्यक्रम सम्पन्न ।
२० भाद्र २०७८, सउल कोरिया ।
अन्तर्राष्ट्रिय नेपाली साहित्य समाज (अनेसास) दक्षिण कोरिया च्याप्टरले नेपाली साहित्यका युवाकवि मोतीराम भट्टको जन्मजयन्तीको अवसरमा मोती जयन्ती विशेष गजल वाचन कार्यक्रम सम्पन्न गरेको छ । गत आईतबार गजलकार डा.घनश्याम परिश्रमीज्यूको प्रमुख आतिथ्यतामा सम्पन्न कार्यक्रममा समकालीन नेपाली गजलका चार गजलकारहरु त्रुपक, संगिता थापा, प्राञ्जल र निर्दोष शिवले चार/चार वटा गजल सुनाउनु भएको थियो ।
गजलकारहरुले पहिलो चरणमा दुई/दुई वटा र दोश्रो चरणमा दुई/दुई गरि चार/चार वटा गजल सुनाउनु भएको थियो। कार्यक्रममा प्रमुख अतिथि डा. घनश्याम परिश्रमीले मोतीराम भट्टको इतिहास, नेपाली साहित्यमा उहाँको योगदान र समकालीन नेपाली गजलकारहरुले मोतीराम भट्टबाट सिक्नुपर्ने कुराहरुको बारेमा प्रकाश पार्नुभएको थियो । पछिल्लो समयमा नेपाली गजलमा देखिएको विवादको विषयमा पनि चिन्ता व्यक्त गर्नुभएको थियो । गजललाई विवाद रहित राखेर गजलमा साधना गरिरहनुभएका गजलकारले गजलको भाव पक्ष सबल बनाएर गजल लेख्न अनुरोध पनि गर्नुभएको थियो ।
संस्थाका अध्यक्ष डा. प्रमोद सारंगज्यूको सभापतित्वमा सम्पन्न कार्यक्रमको सञ्चालन सँस्थाका महासचिव ह्यारी बोण्डले गर्नुभएको थियो ।
