नेपाल तामाङ घेदुङ ख्यङ्साङ् बुसान शाखाको तेस्रो अधिवेशन जुन ६ मा हुने
नेपाल तामाङ घेदुङ ख्यङ्साङ् बुसान शाखाको तेस्रो ऐतिहासिक अधिबेशन यहि आउदो जुन ६ तारिक आइतबार हुने भएको छ । तामाङ समाज ख्यङ्साङ् बुसान बाट भर्खरै नेपाल तामाङ घेदुङ ख्यङ्साङ् बुसान शाखामा रुपान्तरण भएको संघले निर्धारित समय भन्दा अगाडि नै अधिबेशन गर्न लागिएको हो ।
संस्थाको क्रियाशील पदाधिकारीहरु धेरै जना आफ्नो कोरिया बसाई पुरा गर्दै नेपाल फर्किसकेको र फर्किने क्रम रहेकोले अधिबेशन तोकिएको समय अगावै गर्न लागेको घेदुङ ख्यङ्साङ् बुसान शाखाका अध्यक्ष सुजित घिसिङले जानकारी दिएको हो ।
विश्व नै आक्रान्त बनाई रहेको कोभिड १९ महामारीको कारण अन्लाईन माध्यम जूम मार्फत अधिवेशन हुने जनाएको छ ।
त्यसैले ख्यङ्साङ् बुसान आसपास रहेको सम्पूर्ण तामाङ तथा गैरतामाङ दाजुभाई दिदि बहिनीहरु, विभिन्न क्षेत्रीय, जातिय संघ-संस्थाका प्रतिनिधीहरु, समाजसेवी, बुद्धिजीवी, पत्रकार, व्यवसायी, विधार्थी, खेलाडी लगायत सम्पूर्ण लाई जूम मार्फत सहभागी जनाई तेस्रो ऐतिहासिक अधिवेशन सफल पारिदिन संस्थाका अध्यक्ष सुजित घिसिङले अनुरोध गरेका छन् ।
आफ्नो कला, संस्कार, संस्कृती, मौलिक पर्वको संरक्षण गर्दै विभिन्न सामाजिक कार्यमा कृयासिल रहदै आएको कोरियाको दुई तामाङ संस्था तत्कालिन तामाङ समाज ख्यङ्साङ् बुसान दक्षिण कोरिया र तत्कालिन नेपाल तामाङ संघ दक्षिण कोरिया बिच लामो समयको प्रयास पछि केहि समय अगाडी एकीकरण भई नेपाल तामाङ घेदुङ दक्षिण कोरिया स्थापना गरिएको थियो । नेपाल तामाङ घेदुङ सउल केन्द्र र नेपाल तामाङ घेदुङ ख्यङ्साङ् बुसान शाखा रहने गरि एकता भएको थियो ।
