कोरियामा २०१६ देखि नेपाली कामदारको न्यूनत्तम तलब १ लाख १५ हजार
देवेन्द्र सम्बाहाम्फे
सोल, दक्षिण कोरियामा कार्यरत नेपाली कामदारहरुले २०१६ देखि न्यूनत्तम तलब १ लाख १५ हजार पाउने भएका छन् । यहांको ज्याला निर्धारण समितिले न्यूनत्तम पारिश्रमिकमा ८.१ प्रतिशतले बृद्धि गर्ने निर्णय गरेपछि साना तथा मझौल उद्योगहरुमा काम गर्दै आएका नेपाली कामदारहरुले न्यूनत्तम पारिश्रमिक १ लाख १५ हजार रुपैयां अर्थात १२ लाख ६० हजार २ सय ७० वन पाउने भएका हुन् । तलब बृद्धिसंगै स्वदेशी तथा बिदेशी कामदार अरु उत्साहित भएका छन् ।
समितिको कार्यलय सेजङ सी थेजनमा बिहिबार बिहान १ बजे भएको मतदानमा बहुमतले २०१६ को जनवरिबाट लागु हुने गरि ८.१ प्रतिशतले बृद्धि गर्ने पक्षमा मत दिएपछि समितिका अध्यक्ष पार्क जोन सङ घोषणा गरेका थिए । नयां तलवमान अनुसार कोरियाका मजदूरहरुले प्रतिघण्टा ६ हजार ३० वन र प्रति महिना न्यूनत्तम १२ लाख ६० हजार २ सय ७० वन (१ डलर बराबर १०१.६९ रुपैयांं , १हजार न ) पाउने भएका हुन् । हाल यहांका मजदूरहरुले प्रतिघण्टा ५ हजार ५ सय ८० वन पाउदै आएका छन् । यो तलब बृद्धि २००९ यताकै ठूलो अंक हो ।
तलब निर्धारण गर्न मंगलबार सांझबाट शुरु भएको बैठक बुधबार बिहान बिहान ५.३० बजेसम्म सरकारी अधिकारी,मजदूर प्रतिनीधि र रोजगारदाताबिच ११ पटकसम्म बार्ता भए पनि समझदारि हुन नसके पछि १२ औं बार्ताले बिहिबार बिहान १ बजे मतदान गर्ने निर्णय गरेको थियो ।
२७ समस्यीय ज्याला निर्धारण समितिमा मजदूर प्रतिनीधि ९, सकरकारी अधिकारी र रोजगारदाताका तर्फबाट ९ जना प्रतिनीधि रहने ब्याबस्था रहेको छ । ती मध्ये बिहिबार भएको मतदानमा मजदूर प्रतिनीधि ९ जना र कम्पनी ब्याबस्थापनको तर्फबाट २ जनाले मतदान बाहिस्कार गरेका थिए भने १६ जनाले ८.१ प्रतिशतको पक्षमा मतदान गरेका थिए ।
कोरियन मजदूर महासंघ (केसीटीयू), प्रवासी मजदूर यूनियन (एमटीयू) लगायतका मजदूर संगठनहरुल ओईसीडीका मुख्य सदस्यहरु मध्ये मजदूरको तलब कोरियामा सबैभन्दा कम भएको, महङ्गी बृद्धि र प्रवासी, अस्थायी तथा महिला मजुदूरको जिबनस्तर उकास्न ७९ प्रतिशत (प्रतिघन्टा १० हजार वन) बृद्धि गनुपर्ने माग गर्दै आएका छन् ।
आज भएको निर्णयको श्रम तथा रोजगार मन्त्रालयले बिभिन्न पक्षमा अध्ययन गरेर अगष्ट ५ मा स्वीकृत गर्नेछ । कोरियामा जुन २९ अगावै अर्को बर्षको तलब निर्धारण गर्ने प्रावधान भए पनि तीन पक्षको असमझदारीका कारण हरेका बर्ष मतदान हुने गरेको छ । यो बर्ष पनि सरकारले पार्क जोन सङको अध्यक्षतामा न्यूनत्तम ज्याला निर्धारण समिति गठन गरेको थियो
कोरियामा २००३ देखि प्रत्येक बर्ष मजदूरहरुको तलव बृद्धि हुदै आएको छ । २०१६ का लागि निर्धारण गरिएको ८.१ प्रतिशत गत बर्षभन्दा १ प्रतिशतले बढि हो । कोरियामा २००९ मा ६.१ , २०१० मा २.७५ ,२०११ मा ५.१, २०१२ मा ६ , २०१३ मा ६.१ र २०१४ मा ७.१ प्रतिशत बृद्धि हुदै आएको छ । कोरियाली मजदूर इतिहासमा सबैभन्दा धेरै २००४ मा १३.१ प्रतिशत तलव बृद्धि भएको थियो ।
परिबर्तित नया तलव मानल कोरियाको बिभिन्न उद्योगहरुमा कार्यरत स्वदेशी तथा बिदेशी मध्ये ५० लाख न्यून आय भएका मजदूरहरुलाई फईदा पुग्ने छ । नेपाल सहित एशियाका पन्ध्र देशका यूवाहरुको आकर्षक रोजगारी स्थल बन्दै गएको कोरियमा प्रत्येक बर्षको तलब बृद्धिले ३० हजार नेपाली कामदारलाई प्रत्यक्ष फाईदा हुने छ ।
