भिषा सकिएका इपिएस कामदारलाई यही अप्रिल १३ बाट स्वत एक वर्ष भिषा थपिने
दक्षिण कोरियामा इपिएस मार्फत कार्यरत विदेशी कामदारहरुलाई भिषाको अवधि सकिएपनि यही अप्रिल १३ तारिखबाट स्वात एक वर्ष भिषा थपिदिने भएका छन् ।
कोरियामा कोरोनाका कारण विदेशी कामदार भित्रिन नसकेपछि कामदारको अभावलाई पुर्ति गर्र्न एक वर्षको भिषा थपिदिने निर्णय साम्सादबाट पारित गरिएको थियो ।
प्रवासी मजदुर युनियनको अध्यक्ष उदय राईका अनुसार यही अप्रिल १३ देखि २०२१ डिसेम्बरको अन्तसम्म कार्यअवधि सकिने कामदारलाई १ वर्षको भिषा थपिने भएको भएको हो । चार वर्ष १० महिनाको भिषा अवधि सकिएपछि विभिन्न कारणले नेपाल फर्कन नसकेकाहरुलाई ५० दिनको भिषा स्वत थप गरिदै आएको छ । यस्ता भिषामा रहेकाहरुलाई पनि १ वर्षको भिषा थपिने भएको छ ।
३ वर्षको भिषा अवधि सकिएकोलाई १ वर्षे भिषा थपेपछि बोनस (डेड वर्ष) भिषा थपिने भएको छ । त्यसैले अब इपिएस प्रणाली मार्फत कोरिया आएका कामदारहरुको कोरिया रहने पूर्ण अवधि ५ वर्ष १० महिना हुने भएको छ । कम्पनी परिवर्तन गार्न पाउने सबै अवसरलाई सदुपयोग गरेकाहरुलाई पनि एक पटक कम्पनी परिवर्तन गर्न मौका दिने भएको छ ।
