दक्षिण कोरियाकी प्रथम महिला लिले अगस्टमा उत्तरकोरियाको भ्रमण गर्ने
ऐश्वर्य श्रेष्ठ,सोल -दक्षिण कोरियाको पुर्व प्रथम महिला लि हि होले उत्तर कोरियाको आगामी अगस्टमा भ्रमण गर्ने भएकी छिन् ।
स्वर्गीय राष्ट्रपति किम दाय जुंगकी ९३ बर्षीय श्रीमती लिले अगस्ट पहिलो हप्तामा भ्रमण गर्ने स्रोतले सोमबार दाबी गरेको छ । स्रोतको अनुसार लिले अगस्ट ५ देखि ८ सम्मको भ्रमण तय गरिएको बुझिएको छ ।लिले सन २००३ मा राष्ट्रपति किमसंग उत्तर कोरियाको भ्रमण गरेकी थिइन् ।
उत्तर कोरियाको सिमाक्षेत्र केसांगमा गएका दक्षिण कोरियाका ५ जना प्रतिनिधि गएर फर्किए लगतैं लिको भ्रमण घोषणा भएको हो ।किम दाय जुंग पिस सेन्टरका एक अधिकारी किम सुंग जे भन्छन्,’दुई देश बीचको संबन्ध सुधार गर्ने र सहकार्यलाई बढावा दिने यो एउटा राम्रो अवसर हो ।’
लिले उत्तर कोरियामा त्यहांका नेता किम जांग उनलाई भेटने निश्चित नभएतापनि प्रवल संभावना रहेको पिस सेन्टरका सुंगले बताए । उनले बाल अस्पताल,माउन्ट म्योहंग लगायत समेत भ्रमण गर्ने बताइएको छ ।लिको स्वास्थ्य स्थितिको कारणले उत्तर कोरियाले प्लेनबाट भ्रमण गर्न प्रस्ताव गरेको छ ।
किम दाय जुंगलाई उत्तरकोरियामा चम्किलो उनको राजनीतिक प्रभावलाई श्रद्धाको भावले हेरिन्छ ।किमले दुई देशको सिमाक्षेत्र एकआपसमा खुल्ला गरेको थिए, भने मेलमिलापको हात अघि बढाएका थिए । स्व किम दायले उत्तर कोरियाका नेता किम जोंग ईलसंग सन २००० मा पहिलो चोटी दुई कोरियाबीच अन्र्तकोरिया सम्मेलन गराएका थिए भने सोही बर्ष किम दायले नोबेल शान्ति पुरुस्कार समेत प्राप्त गरेका थिए ।त्यतिबेला लिले समेत उत्तरकोरियाको राजधानी प्योंगयांगको भ्रमण गर्ने अवसर पाएकी थिईन् ।
लिको संभाव्य कम्युनिष्ट राष्ट्रको भ्रमणलाई दुई देशबीचको तनावलाई संबन्ध सुधारको पाटोको रुपमा हेरिएको छ ।
(स्रोत योन्हाप)
