सिमापारीको कर्कस आवाज

ख्याँउ ख्याँउ
टर्रो कर्कस आवाज !
अशान्ति -अशान्ति कानलाई अशान्ति !
कुकुरहरु भुकिरहेको छन् सिमापारीबाट
सिमापारी पालेको कुकुरको बफादारी
देखेर अचम्म लाग्छ !
मालिकको नुनको सोझो जनावरले गर्नु
कुकुर पालेर छिमेकीले बाघको शिकार गर्नु
यसपाली रमिता उदेक लाग्दो बनेको छ।
यो सब देखेर अचम्म लाग्छ !

एउटा मोहीको अहमताले !
मालिकको गुलाम बसेको ईतिहास भुलेको छ
मालिककै राखन धारनमा स्वयम् मालिक सम्झ्यौ
सर्ब शक्तिमान् दाबी गर्न छोडेको छैन आफुलाई
मालिकले छोडेर गएको बिशाल घरको बुई चढेर
मालिककै गुलेली मट्याङ्ग्राको त्रास देखाउछ
स्वाभिमान छिमेकीहरुलाई !
यस पाली रमिता उदेक लाग्दो छ
यो देखेर अचम्म लाग्छ !

अर्काको घर जलाउन कहिले आगो फुक्छ
कहिले अज्ञानी कुकुरहरुको हुल छोड्छ
कहिले सिमानामा साँडे छोडेर जान्छ
तमासा गरिबस्छ अनेक-अनेक गर्छ
आँखामा निख्खुर कालो चस्माको भ्रम राखेर
कु-दृष्टीको आँखा फुकालेर हेर्छ
खाली वारी-पारी छिमेक तिर!
उसैले भन्छ आफु माथी षड्यन्त्र भयो !
कसैको दमन सह्य हुने छैन चिच्याउछ आफै
पागलपनको पराकाष्ठा नाघेर!
यस पाली रमिता उदेक लाग्दो छ
यो देखेर अचम्म लाग्छ !

जब सम्म उस्को दिग्भ्रमित गतिबिधी माथी
मन्द मनस्थितिले विश्वसको पर्खाल हालिन्छ
तब-तब उस्को सामराज्यबादी नियतको
भयंकर पासोमा उदाङ्गो बनाएर फसाउने छ।
सर्लक्क हुर्केको बाछो छानी-छानी लगेर
यहीँको बाली नास गर्न साँडे हुर्काएर पठाउने
नियत पालेर सताब्दी पुर्ब बहादुरीको तक्मा
थमाउदै मृत्यु मञ्जुरीनामाको हस्ताक्षर गरायो।
उसैको साँढे मनपरी छोडेर रमिता हेर्दैछ
जरुरी भयो अब सिमाहरुमा काँडे बार लगाउनु
मिचिरहने थिचिरहने पिराहा छिमेकीलाई
असल मित्र भन्नु भन्दा शत्रु घोषणा गर्नु उचित !
खबरदार बुद्वको एकाग्रता भंग नहोस!
खबरदार! खबरदार! के भन्न नपाउदै
भुक्न थाले उल्टै ख्याँउ ख्याँउ ख्याँउ
टर्रो कर्कस आवाज कुकुरहरु !