एनआरएनए कोरियाका पदाधिकारीद्धारा पत्रकारलाई धम्की : पत्रकार महासंघको विरोध
नेपाल पत्रकार महासंघ दक्षिण कोरियाले मंगलवार एक विज्ञप्ती जारी गर्दै दक्षिण कोरियामा रहेका पत्रकारलाई गैर आवासिय नेपाली संघका पदाधिकारीहरुबाट आएको धम्की तथा गाली बेइज्जत गर्ने कार्यको विरोध गरेको छ ।
महासंघका अध्यक्ष रन्जनराज कुँवर र महासचिव मिन विकले हस्तक्षर गरेको विज्ञप्तिमा कोरियामा पत्रकारिता गर्दै आएका पत्रकारलाई गैर आवासिय नेपाली संघ (एनआरएनए) कोरियाको बारेमा प्रकाशित समाचारलाई लिएर संघको केही पदाधिकारीले सामाजिक संजालमा गाली बेईज्जत गर्दै धम्की समेत दिएको हामीलाई जानकारीमा आएको र एनआरएनएले बैठकको निर्णय भन्दै ‘विभिन्न संचारमाध्यममा आएका पदाधिकारीको समाचारलाई लान्छाना र आरोपलाई प्रमाणीकरण गर्न पत्रचार गर्ने निर्णय गरियो’ भन्ने भनाईले स्वतन्त्र पत्रकारिताको मर्मलाई कुल्चिन खोजेको उल्लेख गरेको छ ।
महासंघले ‘समाचारमा चित्त नबुझे संबादबाट समाधानमा लाग्नुको साटो सामाजिक संजालमा फोटाहरु पोष्ट गरेर तथा नाम लेख्दै चरित्र हत्यामा उत्रनु एनआरएनए जस्तो गरिमामय पहिचान बोकेको संस्थाको जिम्वेवार पदमा आसिन व्यत्तिका लागि पक्कै पनि सोभनिय विषय होइन । सामाजिक संस्थाका जिम्मेवार व्यक्तिहरू यसरी निर्लज्ज रूपमा प्रेस बिरोधी गतिविधीमा संलग्न हुनु अत्यन्तै दुःखद बिषय हो । यस्ता कार्यले समग्र कोरियाको नेपाली समाजलाई जवाफदेही बनाउने कार्यमा बाधा पुग्ने हाम्रो निचोड रहेको छ । तसर्थ यस्ता कार्यमा संलग्न आफ्ना पदाधिकारिको एनआरएनए कोरियाले आबश्यक कार्बा्हि गर्ने छ भन्ने कुरामा महासंघ विश्वस्त छ ।’ भनिएको छ ।
विज्ञप्तीको पुरा पढ्नको लागि
