चुम्लुङ कोरिया बुसान शाखाको अध्यक्षमा दिवा वरुम्हाङ लिम्बू चयन
किरात याक्थुङ चुम्लुङ बुसान शाखा दक्षिण कोरियाले तेश्रो अधिबेसनबाट दिवा वरुम्हाङ् लिम्बुको नयाँ नेतृत्व पाएको छ । नेतृत्व पाएसँगै चुम्लुङ कोरियाले पहिलोपटक महिला नेतृत्व पाएको इतिहास पनि रचेको छ। फेब्रुअरी ९ तारीख आइतबारको दिन सम्पन्न अधिवेशनले १३ सदस्यीय कार्यसमिति चयन गरेको छ ।
चुम्लुङ शाखा बुसानको नयाँ समितिको उपाध्यक्षमा नफिसा लिम्बु र याम लिम्बु चयन भएका छन् भने सचिबमा सञ्जोग कन्दङ्वा र सह सचिबमा टीका राज पंधाक चयन भएका छन्। कोषाध्यक्षमा भने पुनः बिरबल केरुङ नै चयन गरिएको छ यसैगरी सदस्यहरुमा सुक्रराज कन्द्ङ्वा, सानु कन्दङ्वा, भुपाल योङ्हाङ, मेन्सन लिम्बु, बिरेन्द्र आङ्देङ्बे, सन्तोष लिम्बु, र सुगम जबेगु चयन भएका छन्।
बुसान आसपासबाट उल्लेख्य रुपमा लिम्बू समुदायको उपस्थिति रहेको अधिवेशनमा निवर्तमान सहसचिव डम्बर सुब्बाले स्वागत मन्तब्य राखेका थिए साथै सस्थाको प्रतिबेदन समेत प्रस्तुत गरेका थिए भने निवर्तमान कोषाध्यक्ष बिरबल केरुङ्ले आर्थिक प्रतिवेदन पेस गरेका थिए। आर्थिक विवरण अनुसार कूल आय ६,६२,८०,१९१ वोनमा कूल खर्च ५,६५,८७,४४९ वोन भएको र बाकि कोषमा ९६,९२,७४२ वोन बचत रहेको जानकारी गराएका थिए।
कार्यक्रममा किरात याक्थुङ चुम्लुङ दक्षिण कोरियाका अध्यक्ष मिराक पंधाक अग्निको प्रमुख आतिथ्य र , महासचिव सागर माङ्मुको विशेष आतिथ्य रहेको थियो भने निबर्तमान अध्यक्ष किरण कन्दङवाको सभापतित्वमा अधिवेशन सम्पन्न भएको थियो । कार्यक्रम निबर्तमान सचिव चिन्तित कन्दङ्वाले सञ्चालन गरेका थिए ।
