1974 AD लाइभ कन्सर्टको पत्रकार भेटघाट तथा चियापान कार्यक्रम सम्पन्न
ओखलढुंगा सेवा समाज कोरियाद्वारा आयोजित 1974 AD लाइभ कन्सर्टको तैयारीको बारेमा पत्रकार भेटघाट तथा चियापान कार्यक्रम सम्पन्न भएको छ। जनवरी ११शनिबार भएको सो कार्यक्रममा कन्सर्टको बारेमा पत्रकार लगायत उपस्थितहरुले प्रश्नहरु राखेका थिए। सेवा समाजका अध्यक्ष श्रीराम तमुले प्रशनहरुको जवाफ दिएका थिए। सलनालको दोश्रो दिन हुने लाइभ कन्सर्टको सम्पूर्ण तैयारी र टिकट वितरण कार्यक्रमपनि अन्तिम चरणमा पुगेको जानकारी गराएका थिए। कार्यक्रममा नेपाली सम्पर्क समितिका अध्यक्ष श्रीप्रसाद श्रेष्ठ, पूर्वाञ्चल सरोकार समाजका अध्यक्ष अमृत राई, प्रवासी मजदुर संघका अध्यक्ष उदय राई, नेपाल पत्रकार महासंघका अध्यक्ष रञ्जन कुवँर लगायत विभिन्न संघसंस्थाका प्रतिनिधिहरुको उपस्थित रहेको थिय।
जनवरी २५ तारिखका दिन आयोजना हुने लाइभ कन्सर्ट र भक्तपुर समाजको कार्यक्रम एकै दिन गर्ने सहमतिमा नै भएको स्पष्ट पार्दै अध्यक्ष तमुले एक अर्कालाई सहयोग गर्ने गरि कार्यक्रम बाँडफाँड गरिएको बताए। 1974 AD को रियुनियन पछि कोरियामा पहिलो पटक र २०२० को विश्व भ्रमणपनि कोरियाबाट नै सुरु भएको जानकारी गराएका थिए। यसैगरी कार्यक्रममा थप आकर्षणका लागि भोइस अफ नेपालका प्रतियोगी गायिका मेचु धिमाल र अञ्जु राना मगरको पनि बेजोड प्रस्तुति रहने बताए। कन्सर्टका लागि कोरियाको अत्याधुनिक (Yes24 Live) हलपनी तय भइसकेको जानकारी गराउँदै हलसम्म जान दोङ्देमुनबाट बसको व्यवस्था समेत रहेको जानकारी गराए। कार्यक्रम निर्धारित समयमा नै हुने र उक्त दिन नै नेपालका राष्ट्र गानका रचयिता प्रदीपकुमार राई “व्याकुल माईला” लाई नागरिक अभिनन्दन गरिने पनि जानकारी गराए। नागरिक अभिनन्दन गैर आवासीय नेपाली संघको संयोजकत्वमा हुने भएकोछ। यदि कुनै संस्था उक्त अभिनन्दन कार्यक्रममा सहभागी हुन चाहेको खण्डमा संयोजक एवं एनआरएनका वरिष्ठ उपाध्यक्ष दीपक पुनलाई सम्पर्क गर्नसकिने पनि अवगत गराए।
कार्यक्रम हल जानका लागि सार्वजनिक बसहरु पनि छन् भने ५ नम्बर ट्रेन लाइनको ख्वाङ्नारु स्टेसनको गेट नं. २ बाट ३ मिनेट पैदलमा पुग्न सकिने छ। उक्त हलमा यस अघि बिपुल क्षेत्री, दिपक बज्राचार्यको ब्याण्डले समेत कार्यक्रम गरेको थियो।
