सशक्त दलित एकता समाजको वार्षिक समिक्षा तथा चियापान कार्यक्रम जनवरी २६ मा हुने
कोरियाली पर्व सलनालको अवसर पारेर सशक्त दलित एकता समाज दक्षिण कोरियाले यसै महिना(जनवरी)को २६ तारीख आइतबारका दिन बार्षिक समिक्षा तथा चियापान कार्यक्रम गर्ने भएको छ ।
उक्त कार्यक्रम सउलको जोङ्गाग स्थित दुर्गा रेस्टुरेन्टमा हुने जनकारी संस्थाको महासचिव अर्जुन परियारले दिएका हुन् । रोजगारी, शिक्षा तथा अन्य सिलसिलामा कोरिया आएका दलित समुदाय एकीकृत भइ नेपाली समाजमा विद्यमान सामाजिक विभेद निर्मुल पार्ने र समतामूलक समाज निर्माणगर्ने लक्ष्य बोकी जातीय “छुवाछूत तथा विभेद विरुद्धको अभियान” भन्ने मुल नाराका साथ गत बर्षको फेब्रुअरी महिनामा सशक्त दलित एकता समाज दक्षिण कोरिया नामक संस्था गठन भएको थियो ।
गठन भए पश्चात् संस्थाले दुखी पीडित हरुलाई सहयोग गर्दै, नेपालमा घट्ने जातीय छुवाछूत जस्तो घृणित कार्य गर्ने तथा विभिन्न सामाजिक संजाल, मिडियाहरुमा विभेद जन्य अभिव्यक्ति दिने र जातीय आधारमा दलित समुदाय प्रती उपहास गर्ने विरुद्ध संस्था कडा रुपमा प्रस्तुत हुदै आएको र आगामी दिनमा पनि यस्ता कुकार्य विरुद्ध खरो रुपमा उत्रने महासचिव परियारले बताए ।
“वर्तमान एकाइसौं शताब्दीमा पनि ढुंगे युगको जस्तो चेतना बोक्ने र एउटा मानवले अर्को मानवलाई पशुतुल्य व्यवहार गर्ने जोसुकै भएपनि प्रतिकारमा उत्रन र देश विदेश जहाँ जस्तो अवस्थामा भएपनि आफ्नो स्थान बाट विभेद विरुद्ध आवाज दिदै संगठित हुनकालागि सम्पुर्ण दलित समुदायका बुबा आमा, दाजुभाइ तथा दिदिबहिनीहरुमा संस्थाको तर्फबाट हार्दिक अनुरोध गर्दछौं ।” परियारले भने ।
साथै संस्थाको वार्षिक कार्यक्रममा कोरियामा रहेका सम्पूर्ण दलित समुदायका दाजुभाइ तथा दिदिबहिनीहरुलाई उपस्थितिका लागि समेत अनुरोध गरेको छ ।
कार्यक्रमको थप जानकारी
मिति – 2020 जनवरी 26 आइतबार
स्थान – दुर्गा रेस्टुरेन्ट 종각 역 4 नम्बर गेटबाट नजिकै
समय – बिहान 11 बजे बाट सुरु
सम्पर्क – 01068570818/ 01089703511
