सलनालमा गरिने संखुवासभा डान्सपार्टिको तैयारी अन्तिम चरणमा

खुवासभा सम्पर्क परिवार दक्षिण कोरियाले कोरियन नयाँबर्ष सलनालको अवसरमा गर्ने डान्सपार्टीको तैयार अन्तिम चरणमा रहेको जानकारी गराएको छ। सलनालको दोश्रो दिन जनवरी २५ मा दोङ्देमुन स्थित 성동 나이트 클럽 हलमा कार्यक्रम आयोजना गरिने भएको छ। कार्यक्रम हल सौल मेट्रोको ३ र ६ नं. लाइनको 신당 स्टेशनको १ र १२ नम्बर गेट अगाडि रहेको छ। डान्सपार्टिमा साँझ ७ बजेदेखी बिहान ६ बजेसम्म निरन्तर गीत संगीतमा झुम्न सकिने आयोजकले जनाएको छ।

संखुवासभा जिल्लामा रहेका गरिव, जेहेन्दार, पिछडिएका वर्ग अल्पसंख्यक एवं दुर्गम क्षेत्रका बिध्यार्थीहरुको शैक्षिक स्तर उकास्न कोषको स्थापना गरी प्रत्येक वर्ष छात्रवृत्ति बितरण गर्दै आइरहेकोछ। हाल कोषमा पर्याप्त रकम अभावले चाहेजति कार्य गर्न नसकिरहेको अवस्थामा यस कार्यक्रमले केही मद्दत पुग्ने संस्थाका अध्यक्ष श्यामकुमार श्रेष्ठले बताएका छन्।
 
कार्यक्रम सफलतापूर्वक समपन्न गर्नको लागि कोरियामा रहेका संघसंस्थाहरुबाट सहयोगको अपेक्षा समेत गरिएको छ र संखुवासभा जिल्लाबासी मित्रहरुलाई एकजुट भई सहकार्यको लागी आयोजकले आव्हान गरेको छ।