पदम दुमी राईको नेतृत्वमा किरात राई यायोक्खा दक्षिण कोरियाको नयाँ कार्यसमिति चयन
किरात राई यायोक्क्खा दक्षिण कोरियाको १३ औँ महाधिवेशन सम्पन्न भएको छ। आज जनवरी ५ तारीख आइतबारकाे दिन सम्पन्न अधिवेशनबाट सर्वसहमतिमा पदम (दुमी) राईको नेतृत्वमा २१ सदस्यीय केन्द्रीय कार्यसमिति चयन भएका छन्।
सन् २००१ मा स्थापना भएको कोरियाको पुरानो संस्था किरायाको अधिवेशनले बरिष्ठ उपाध्यक्षमा पुरण याम्फु राई,उपाध्यक्षमा जीवन पुमा राई र महाससचिवमा जिवन राईलाई चयन गरेको छ भने सचिवमा युवराज राई र छत्र ब. राई रहेका छन्। यसैगरी कोषाध्यक्षमा दुर्गाकला राई सहकोषाध्यक्षमा रोशन राई चयन गरिएको छ भने सदस्यहरुमा युवराज राई, जुनल राई,श्रीधन राई, मनिसा राई, सुब्बा राई, अर्जुन साङ्पाङ, बिशन राई रहेका छन्। अन्य सदस्यहरुमा रविन कुमार बान्तावा,राजु राई, मौसम राई,सुष्मा रानाहँमा, दिपा मेवाहाङ राई र पारु राई चयन गरिएको छ।
किरात राई यायोक्खा दक्षिण कोरियाका संरक्षक ध्यान राईको संयोजकत्व रहेको निर्वाचन मण्डलले नयाँ कार्यसमितिलाई सर्वसम्मतिबाट चयन गरेको हो। साथै यायोक्खा कोरियाका संस्थापक सेसाहांग राई र निवर्तमान अध्यक्ष बालकृष्ण राईले नयाँ कार्यसमितिलाई बधाई तथा शुभकामना व्यक्त गरेका थिए।
नेपालबाट कोरियामा आएर विभिन्न क्षेत्र व्यावसाय,अध्यायन तथा रोजगारीमा शिलशिलामा रहनुहुने किरात दाजुभाई तथा दिदीबहिनीहरुलाई एक बनाई सुख दु:ख साटासाट गर्दै आफ्नो मौलिक संस्कृति संरक्षण र प्रबर्द्धन गर्दै आइरहेको छ। सोही उद्देश्यले किरात राई यायोक्खा दक्षिण कोरियाले हरेक वर्ष उधौलि र उभौलिमा साकेला सिली र नाच प्रदर्शन गर्नुका साथै विभिन्न सामाजिक कार्यक्रमपनि गर्दै आएको छ ।
