क्रस रेमिट्यान्स् र सोनसिकले छात्रबृद्धिका लागि अक्षय कोषको स्थापना
क्रस रेमिट्यान्स र नेपाली विद्यार्थी समाज दक्षिण कोरिया (सोनसिक)ले नेपालमा रहेका विद्यार्थीलाई छात्राबृद्धि दिनका लागि १० लाख वनको अक्षय कोष खडा गरेका छन् । आइतबार क्रस रेमिट्यान्सको केन्द्रीय कार्यलय सउलमा भएको एक कार्यक्रममा सो कुराको घोषणा गरिएको हो ।
क्रस रेमिन्ट्यान्सबाट नयाँ खाता प्रयोग कर्ताले सोनसिक कोर्ड प्रयोग गरेमा छात्राबृद्धिका लागि थप पाँचहजार वन र प्रत्येक चोटी आर्थिक कारोबार हुँदा थप एक हजार वन दिनेछ । सामाजिक उत्तरदायित्वका लागि यसरी छात्रबृद्धि स्थापना गरेको क्रस रिमिट्यान्सका धर्मराज गौतमले बताए । ‘हामीले आर्थिक फाइदाको पक्षलाई मात्र नहेरेर सामाजिक उत्तरदायित्वलाई पनि सोच्दै यस्तो काम गरेका हौ । यसले थोरै भए पनि नेपालका जेहेन्दार विद्यार्थीलाई सघाउनेछ ।’ उनले भने ।
सोनसिकका वरिष्ठ उपाध्यक्ष श्री सत्यालले पनि यसरी काम गर्न पाउँदा खुशी लागेको बताए । ‘हामीले छात्रबृद्धि दिने काम धेरै पहिले देखि गर्दै आएका छौ । यसरी अक्षय कोष नै खडा भए पछि गरिव तथा जेहेन्दार विद्यार्थीलाई नियमित छात्रबृद्धि दिन सक्छौ ।’
छात्रबृद्धि कोषलाई परादर्शी रुपमा संचालनको लागि नेपाल पत्रकार महासंघ, दक्षिण कोरिया शाखा संरक्षक संस्थाको रुपमा रहनेछ ।
विरेन्द्र कटुवाले परिवार काेरिया घुमाउन पाउने
आइतबारै क्रस रेमिटले अघिल्लो तीन महिना भित्र पैसा पठाउने भाग्यमानी एक जनाको परिवारलाई कोरियामा घुमाउन पाउने विजेताको गोलाप्रथा मार्फत छानेका छन् । एक लाख भन्दा बढि नेपाली पैसा पठाउनेहरु मध्येबाट बिरेन्द्र कटुवालले आफ्नो परिवारलाई दक्षिण कोरिया घुमाउन ल्याउन पाउने भएका छन् । ‘हामीले भाग्यशाली एक जनालाई प्रत्येक तीन महिनामा एक चोटी गोलाप्रथा गरेर मान्छे छान्छौ । उहाँहरुको परिवारको सम्पुर्ण खर्च हामीले व्यहोर्छो ।’ गौतमले भने । यो दुई हप्ताको भ्रमण हुनेछ ।
