हानपासको दशै बम्पर विजेता लक्षिमा र विवेकलाई उपहार हस्तान्तरण
हानपास रेमिटेन्सले दशै बम्पर उपहार बिजेता लक्षिमा लिम्बू र विवेक तामाङलाई उपहार हस्तान्तरण गरेको छ । शुक्रबार ललितपुर ग्वार्कोमा रहेको KFC ब्याङ्केट हलमा बडा दशै, तिहार, नेपाल सम्बत् र छठ पर्वको शुभकामना आदानप्रदान तथा चियापान कार्यक्रमको आयोजना गरि स्कुटर उपहार हस्तान्तरण गरिएको हो ।
दक्षिण कोरियाको हानपास रेमिट्यान्सले आफ्नो साझेदार रेमिट कम्पनी इजि लिङ्क र सनराइज बैंक संगको सहकार्यमा संयुक्त दुई जना भाग्यशाली ग्राहकहरुको लागि दशै बम्पर उपहार राखिएको थियो। गत सेप्टेम्बर ५ तारिखका दिन अटाे सफ्टवेयर लक्की ड्र बाट चिठ्ठामा ताप्लेजुङका लक्षिमा लिम्बु र रामेछापका विवेक तामाङले उक्त बम्पर उपहार जित्न सफल भएका थिए ।
हानपास दशै बम्पर उपहार अन्तर्गत कोरिया बाट नेपाल पैसा पठाउने २ जना विजेता ग्राहकहरुको परिवारहरुलाई इजि लिङ्क रेमिट्यान्सका ब्रान्ड एम्बेस्डर तथा संचारकर्मी रबि लामिछानेद्वारा स्कुटरको चाबी हस्तान्तरण गरिएको थियो । बिबेकको आमा डबली तामाङ र लक्षिमाको दिदी गीता लिम्बूको नाम मा स्कुटर दिएको हो ।
उक्त कार्यक्रममा हानपास रेमिट्यान्स कोरिया, सनराइज बैंक तथा इजि लिङ्कका प्रतिनिधिहरुका साथै हालै कोरियाबाट फर्केका नेपालीहरुको बाक्लो उपस्थित रहेको थियो ।
एउटै कर्म भुमिबाट फर्किएका सबैलाई एकसाथ भेट्ने र चाडपर्वको शुभकामना आदानप्रदान गर्ने अवसर प्रदान गरेकोमा उपस्थित सबैले हानपास प्रती खुशी व्यक्त गरेका थिए ।
