स्याङ्जा परिवार किम्हे बुसान शाखाद्वारा चलचित्र “कबड्डी ३” कोरियामा भव्य प्रदर्शन सम्पन्न
स्याङ्जा परिवार किम्हे बुसान शाखाले अक्टोबर २० मा यस वर्षको बहुप्रतिक्षित नेपाली चलचित्र “कबड्डी ३” किम्हे शहरको 김해 문황원 हलमा (किम्हे बस टर्मिनल नजिकै) प्रदर्शन गरि कार्यक्रम
भव्य सम्पन्न गरेको छ ।
संस्थाको आपतकालीन राहतकोष निर्माण सहयोगार्थको मुख्य उद्वेश्य सहित सो चलचित्र प्रदर्शन गरिएको स्याङ्जा परिवार किम्हे बुसान शाखा अध्यक्ष कमल अर्यालले बताए । नेपालका विभिन्न सुन्दर भू-भागहरुमा छायांकन गरिएको नेपाली सिनेमा क्षेत्रमा दर्शकहरुले निकै रुचाएको ब्राण्ड र चलचित्रको सिरिज तेश्रो सिक्वेल हो ‘कबड्डी’ । प्रदर्शन पश्चात भरपूर मनोरन्जन प्राप्त गरेको दर्शकहरुको प्रतिक्रिया थियो । कोरियाको विभिन्न भागहरुमा प्रदर्शन भएको मध्येमा यो तेश्रो पटकको प्रदर्शन हो जसले ब्यापक सफलता प्राप्त गरेको छ ।
अत्याधिक दर्शकको भार थेग्न आयोजकलाई हम्मे हम्मे परेको थियो जसकारण दुई शो प्रदर्शन गरिएको र ६०० जना भन्दा शानदार दर्शकको उपस्थिति रहेको सोही शाखाका वरिष्ठ सल्लाहकार राजकुमार आलेले थपे । रामबाबु गुरुङ निर्देशित सिनेमा बासुरी फिल्मस् र सिनेमा आर्टको प्रस्तुतिमा निर्माण भएको यस “कबड्डी-३” चलचित्रमा स्वजातिय विवाह र अन्तरजातीय प्रेम सम्वन्धको अन्तरद्वन्द रहेको सिनेमामा दयाहाङ राई, उपासना सिंह ठकुरी, रिश्मा गुरुङ, कर्मा शाक्य, विल्सन विक्रम राई, विजय बराल बुद्वि तामाङ, लुनिभा तुलाधर, विजय बराल लगायतका कलाकारको अभिनय छ ।
पछिल्लो समयमा अति नै चर्चा चुलिएको नेपाली कथानक चलचित्र “कबड्डी-३” मनोरन्जन सँगै पुण्य कार्यमा सहयोग गर्नुहुने दक्षिण कोरिया स्थित विभिन्न संघ-संस्थाहरु, विविध पेशा, व्यवसायमा आबद्व तथा ईपिएस मार्फत विभिन्न कार्यमा संलग्न नेपाली दाजुभाई, दिदीबहिनी, विधार्थी, पत्रकार तथा बुद्धिजीवी लगायत सम्पूर्ण महानुभावहरुमा स्याङ्जा परिवार किम्हे बुसान शाखा दक्षिण कोरियाले हार्दिक धन्यवाद व्यक्त गरेको छ ।
