धादिङ समाज दक्षिण कोरियाले रिदम कन्सर्टकाे आम्दानीले जिल्लाकाे गंगाजमुना गाउँपालिकालाई एम्बुलेन्स दियाे
गत बर्षको छुसकमा धादिङ समाज र काभ्रे सम्पर्क समिती कोरियाले जिल्लाको बिकट गाउँमा एम्बुलेन्स सेवा प्रदान गर्ने उदेश्य स्वरुप “रिदम लाईभ कन्सर्ट & सङ्गीतिक धमाका”बाट अाम्दानीले जिल्लाकाे गंगाजमुना गाउँपालिकालाइ एम्बुलेन्स प्रदान गरेकाे छ । एम्बुलेन्स दशैँ तिहार बिशेस कार्यक्रमकाे अायाेजना गरेर गत शनिबार गंगाजमुना गाउँपालिकाका अध्यक्ष बलबहादुर अधिकारीलार्इ एम्बुलेन्स हस्तातरण गरिएकाे हाे । कार्यक्रममा धादिङ समाज कोरियाका बिभिन्न पदाधिकारीहरु, धादिंग समाज कोरियामा अबद्व सदस्यहरुको परिवार लगायत स्थानिय, समाजसेवी तथा बौद्विक ब्यक्तिहरुको उपस्थिति रहेको थियो ।
गत बर्षकाे रिदम लाइभ कन्सर्टबाट सोचे जस्तो नाफा गर्न नसकिएता पनि ब्यक्तिगत सहयोग धेरै जुटेको कारण एम्बुलेन्स किन्न सकिएकाे धादिंङ समाज कोरियाका अध्यक्ष तथा कार्यक्रम संयोजक सन्तोष अधिकारीले बताए । ‘अहिलेसम्म एम्बुलेन्स खरिद र अन्य प्रकृयाको लागि बाह्र लाख रुपैयाँ हाराहारिमा खर्च भएको छ । हामीले साथीभाइसँग अपुग पैसा जम्मा गरेर एम्बुलेन्स किनेका हाै । यसका लागि सहयाेग गर्नुहुने सबैलाइ धन्यबाद दिन चाहान्छु ।’ उनले भने । ‘याे एन्बुलेन्स चले पछि गंगाजमुना गाउँपालिका क्षेत्र कै स्वास्थ्य सेवामा टेवा पुर्याउँछ भन्ने हामीले ठानेका छाै ।’ उनले थपे ।
धादिंग समाज कोरियाको आर्थिक सहयोगमा एम्बुलेन्स खरिद र हस्तान्तरण सम्मको सम्पूर्ण प्रकृयाको लागि धादिंग समाज कोरियाको नेपाल समन्वय समितीका उपाध्यक्ष सुमन सिंखडाले गुम्दी कल्याणकारी समाज सँग समन्वय गरेका थिए भने यस कल्याणकारी समाजले आगामी दिनमा एम्बुलेन्स संचालनको लागि आवश्यक थप रकम जुटाउन आर्थिक संकलन अभियान पनि चलाईरहेको छ । सो एम्बुलेन्स संचालनको लागि गंगाजमुना गाउँपालिका वाडा नम्बर ४ (साबिक गुम्दी गाबिस) का वडा अध्यक्षको अध्यक्षतामा गाउँपालिकाको सबै वडा अध्यक्षहरु र स्थानिय बुद्धि जिबि तथा समाजसेवीहरुलाई समेटेर एम्बुलेन्स संचालन समिती निर्माण पनि गरिएको छ । समितिको संरक्षकमा गंगाजमुना गाउँपालिकाका अध्यक्ष र धादिङ समाज कोरियाका अध्यक्ष रहने छन् ।
यस अघि पनि धादिंग समाज कोरियाले धादिंग बेसीमा १७ लाख रुपैयाँ लगानीमा नेपालमै नमुना आधुनिक अपागं मैत्रि सार्बजानिक शौचालय निर्माण पनि गरेको थियो भने यस समाज जिल्लागत र समग्र नेपाल तथा कोरियामा अन्य बिभिन्न किसिमका सामाजिक कृयाकलापमा निरन्तर सकृय रहँदै आईरहेको छ ।
