छुसकको पहिलो दिन हुने मंगोलियन हर्ट लाइभ कन्सर्ट तथा सांगीतिक धमका २०१९ पोस्टर सार्वजनिक
दोलखाली समाज, रामेछाप सम्पर्क समिति र सिन्धुपाल्चोक समाज दक्षिण कोरियाले गर्ने मंगोलियन हर्ट लाइभ कन्सर्ट तथा सांगीतिक धमका २०१९ को पोस्टर सार्वजानिक गरेको छ । आइतबार सउलमा पत्रकार सम्मेलनमा पोस्टर सार्वजनिक गर्दै कार्यक्रमको तयारीका बारेमा जानकारी गराएको हो ।
‘हामीले छुसकको पहिलो दिन अर्थात १२ सेप्टेम्बरमा मंगोलियन हर्टको लाइभ कार्यक्रम गर्न लागेका छौ । यो व्याण्डको २५ बर्ष पुगेको उपलक्ष्यमा हुने कार्यक्रम हो । यसबाट हुने आम्दानीले दुर्गम भेगको शिक्षा र स्वास्थ्य क्षेत्रमा सकेको सहयोग गर्नेछौ ।’ दोलखाली समाज दक्षिण कोरियाका अध्यक्ष सरोज केसीले भने । ‘हाम्रो तयरी लगभग पुरा भएको छ । लाइभ ब्यान्डको मज्जा लिन सकिने दिन धेरै टाढा छैन ।’ उले थपे ।
प्रदेश नं. ३ का तीन वटा जिल्ला मिलेर कार्यक्रम गर्न लागेको भएकोले किरियाकै मिलेर कार्यक्रम गर्न सकिने रहेछ भन्ने उदाहरण हुने रामेछाप सम्पर्क समितिका अध्यक्ष रबिप्रताप घिसिंङले भने । ‘हामीले आफ्नो जिल्लाका बासिन्दासँग उठाएको रकम हामी आफ्नै जिल्लाले राख्ने, अन्य जिल्लाका साथीभाइले दिएको सहयोग बराबर रुपमा बाँड्ने छौ । हामीले तीनवटा जिल्लालाई टिकट पनि तीन तीन सयका दरले भाग लाएको छौ । यो टिकट सेप्टेम्बर १० भित्र बेचि सक्नु पर्ने अन्यथा संयुक्त रुपमै गनणा हुने निर्णय गरेका छौ ।’ उनले भने ।
त्यस्तै अर्का आयोजक संस्था सिन्धुपाल्चोक समाजका अध्यक्ष सञ्जिब भण्डारीले कोरियाकै राम्रो र सुविधायुक्त हलमा कार्यक्रम गर्न लागेको बताए । ‘सउलको फाइभस्टर हल मध्येको हल हो । हामीले हलसम्म जानको तोङदेमुनबाट गाडीको व्यवस्था गरेका छौ । तोङदेमुनबाट ट्याक्सीमा जाँदा पनि पाँचहजार वन जति मात्रै आउने रहेछ । त्यसैले कोरियामा रहनु सबै दाजुभाइ दिदी बहिनीलाई कार्यक्रममा सहभागी हुन अनुरोध गर्दछौ ।’
कार्यक्रममा मंगोलियन हर्ट ब्याण्डसँगै भ्वाइस अफ नेपालको जर्ज तथा चर्चित रक गायिका आस्था राउत, मोडेल तथा चर्चित डान्सर अन्जली अधिकारी, चर्चित लोक तथा दोहोरी गायक प्रकाश कटुवाल, नेपाल आइडल सिजन १ सेकेन्ड रनरप गायक प्रताप दासले आफ्नो प्रस्तुति दिनेछन् ।
