प्रथम बिश्वकर्मा मैत्रीपूर्ण भलिबल प्रतियोगिता २०१९” को टाईसिट सार्वजनिक, १४ टिमको सहभागिता ।
सौल, दक्षिण कोरिया
” विकास, अनुशासन गतिशिलता” भन्ने मूल उद्घोषसँगै कोरिया स्थित अति सक्रिय र र गौरवमय संस्था मध्ये बिश्वकर्मा समाज दक्षिण कोरियाले आयोजना गर्न लागेको “प्रथम बिश्वकर्मा मैत्रीपूर्ण भलिबल प्रतियोगिता २०१९” को लागि ११ अगष्ट २०१९ मा दोङदेमुनको नाङ्लो रेष्टुरेण्टमा खेलतालिका (टाईसिट) सार्वजनिक भएको छ ।
भलिवल प्रतियोगिताको साझा संस्था नेपाल कोरिया भलिवल संघको मातहतमा रहेर यस २०१९ सिजनकै पाँचौ प्रतियोगिता गर्ने अनुमति पाए बमोजिम यही आउँदो अगष्ट १८ तारिक आईतबारका दिन आसान स्थित 아산시민 체육곤 충남 아산시 신정로 685 मा “प्रथम बिश्वकर्मा मैत्रीपूर्ण भलिबल प्रतियोगिता २०१९”आयोजना गरिने भएको हो । यसका लागि संस्थाका वरिष्ठ सल्लाहकार दिपेन सेन्चुरी, सचिव राम कुमार बिश्वकर्मा, खेल संयोजक ईशु सुनार, कप्तान मुकेश सेन्चुरी, टिम कोच जसु बराईली, नेपाल भलिबल संघमा आबद्व राष्ट्रिय रेफ्रीहरु र विभिन्न संघ-संस्था सम्बद्व अध्यक्ष तथा प्रतिनिधि र खेलप्रेमी महानुभावहरुको उपस्थितिका विच टिम दर्ता तथा टाई सिट (Tie-Sheet) सार्वजनिक भएको हो ।
सो प्रतियोगितामा जम्मा १४ टिमले प्रतिष्पर्धा गर्ने भएको छ । A पोल अन्तर्गत शुरुवाती अर्थात् उद्घाटन खेल बिश्वकर्मा समाज “रातो” र डेउ समाज “A” विच हुनेछ । त्यसपछि क्रमशः B पोल अन्तर्गतको दोश्रो खेलमा सोलुखुम्बु र डेउ समाज B” विश्वकर्मा समाज भिड्नेछ ।
यस प्रतियोगितामा भलिवल संघको नियमानुसार पुरस्कार प्रथम र द्वितीयले कप, सम्मान पत्र सहित क्रमशः १३ लाख वोन र १० लाख वोन त्यसै गरि दुई सेमीफाइनलिष्ट टिमले जनही ३ लाख ५० हजार वोनका दरले पुरस्कार हात पार्नेछ साथै खेलको आधारमा एक जना उत्कृष्ट खेलाडीलाई कप, नगद र सम्मान पत्रले सम्मान गरिने बिश्वकर्मा समाजका अध्यक्ष सन्तोष कश्यपले जानकारी गराए ।
सो प्रतियोगिता हलमा मनग्य स्वादिष्ट नेपाली खाजाका परिकारहरुको व्यवस्था गरिने र सँगै रहेको अर्कों बिल्डिङमा स:शुल्क पौडीको लागी स्वीमिङ पूल रहेकोले गर्मी सिजनमा पौडीको मज्जा लिन सकिने आयोजकले जनाएको छ । “प्रथम बिश्वकर्मा मैत्रीपूर्ण भलिबल प्रतियोगिता २०१९” प्रतिष्पर्धात्मक भलिवल प्रतियोगिता सफल बनाउन आर्थिक, नैतिक सबैखाले सहयोग गर्नुहुन कोरियावासी सम्पूर्ण नेपालीहरुलाई विश्वकर्मा समाजले हार्दिक अनुरोध गरेको छ ।
कार्यक्रम तपसिल :
मिति : २०१९ अगष्ट १८ तारिक आईतबार ।
समय : बिहान ठीक ०९:०० बजेदेखि ।
स्थान : 아산시민 체육곤 충남 아산시 신정로 685
