सुमन हाङ्श्रोङको नेतृत्वमा किरात याक्थुङ चुम्लुङ जेजुदो शाखा समिति निर्माण
किरात याक्थुङ चुम्लुङ जेजुदो शाखाको पहिलो अधिवेशन सम्पन्न भएको छ। जुलाई १४ आइतबारका दिन भएको उक्त अधिवेशनले १३ सदस्यीय कार्यसमिति निर्माण गरेको छ। अध्यक्षमा सुमन हाङ्श्रोङ्लाई सर्वसम्मतिले चयन गरेको छ भने उपाध्यक्षमा मेघ लिम्बू र लक्षु सुब्बा चुनिएका छन्। यसैगरी सचिवमा शुसिल कन्दङवा, सह-सचिवमा पुनम चेम्जोङ र कोषाध्यक्षमा बिकास खेवा चयन भएका छन्।
सदस्यहरुमा सविन थोप्रा, गजिन्द्र हाङस्रोङ, रुपेन लावती, मनिष लिम्बू ,शैलेन तुम्बापो,बसन्ती लावती र इन्द्र तुम्बापो रहेका छन्।
अधिवेशनले शुभद्रा पालुङ्वाको संयोजकत्वमा छ सदस्यीय सल्लाहकार समितिपनि चयन गरेको छ। सल्लाहकार सदस्यहरुमा अर्जुन तुम्बापो, सुयोग चेम्जोङ, गगन लावती, सुमन हेम्ब्या र जीवन कन्दङवा चयन भएका छन्। केन्द्रीय प्रतिनिधिको रुपमा श्री अर्जुन तुम्बापोलाई तोकिएको छ।
नवनिर्वाचित अध्यक्ष सुमन हाङ्स्रोङले फोनिज कोरियासँग कुरा गर्दै चुम्लुङ जेजुदो शाखा आफ्नो मौलिक भाषा, लिपि, धर्म, संस्कार संस्कृति र समाजसेवामा लागिपर्ने बताएका छन्। यसैगरी विशेष अधिवेशनबाट भावी कार्यक्रम र रणनीति तय भइसकेको हुनाले अन्य संस्थाहरु सँग सहकार्य गर्दै अगाडि बढ्ने जानकारी दिए।
“हामी हाम्रो पहिचान र अस्तित्वको लागि एक हौँ” भन्ने नाराका साथ जेजुदो चुम्लुङ शाखाका संस्थापक अध्यक्ष अर्जुन तुम्बापोको अध्यक्षता र केन्द्रिय सल्लाहकार सुभद्रा पालुङ्वाको प्रमुख आतिथ्यमा अधिवेशन सु-सप्पन्न भएको थियो।
