ढाकर


जन्मजात भरिया मेरो आप्पा
राम्ररी थाहा छ उसलाई
हेर्दा गगनचुम्बि र
आकर्षक भारी कसरी मिलाउने
त्यो ढाकरमा‚
जसरी एउटा चित्रकारले
रङग्याउँछ एउटा आकर्षक चित्र ।

जब यो धर्तीमा आफ्नो बलबुतोले
चार धार्नी भार धान्न सक्ने हुनुभयो
मेरो आपा
त्यही दिनबाट सुरु भयो रे
उहाँको यो दैनिकी ।

हो‚ त्यही बेलाबाट सुरु गर्नुभयो रे
गोदार‚ चिसापानी हुदै मैनी बजार खेप्न ।
दासता र गरीबिको मुक्तिको आशामा
खाली पाईताला‚ ढाकर‚ नाम्लो‚
खकन र तोक्माको साथमा
हजारौ पटक
त्यो गढीको किल्ला छिचोलेको
मेरो आप्पालाई सम्झनै छैन
न त सम्झना छ
कटारी घुर्मीको यात्रामा
सुनकोशी बगरको
तातो बालुवाले पाईताला पिल्छेको ।

मेरो आख्खेकै पालामा
बन्धकी राखेको रे मुखियाले
र अझैसम्म चुक्ता भएको छैन
त्यो बन्धकी ।

आप्पाको यो महान यात्रामा
बिगत केहि बर्षदेखि म
आप्पाको भारी टेकाउने तोक्मा झै
एक साहारा बन्दै आएको छु
र एक ईतिहासको साक्षी पनि ।

नाम्चेको हिउँ
सल्लेरीको चिसो स्याँट
लाप्चाने ठोसेको उकालो र ओरालो
गोलुको भीर

टाउकै माथिझै लाग्ने त्यो तातो घाम
यो त दैनिकि हो मेरो आप्पाको
र कहिलेकाहि मेरो पनि ।

यहि क्रममा
एक दिन‚
सदाको बिसौनिमा
“ढाकर” बिसाएर
कुनै युद्धको चपेटामा परेर
गुहार माग्दै सुरक्षित आडमा
ल्याप्प टांसिन आइपुगेको बस्तिझै
तालु र नाम्लोको युद्धले आजित
हुलका हुल मयलहरुले ल्याप्प लिपेको टोपिमा
एक टोपि पानी थापेर
चिउंडोको रिस गरेझै बाहिर निस्किरहेको
बूढो किलकिले हड्डिलाइ
केही पटक उठबस गराउदै
ठाडो घाँटीले सिध्याएपछि‚
शोषणले सकिएको जवानी
चाउरी परेको अनुहार
चिम्सो आँखा
झुस्स फुलेको दारी
हार स्विकारेर
आत्मसमर्पणको लागि ओरालो झरिरहेको सिपाही झै
खुईलिएको तालु हुँदै
कानको फेदसम्म आइपुगेको
कालो पसिनाको फर्मेशनहरुलाइ
त्यहि टोपिले पुछ्दै
नाम्लोले थेप्चिएको तालु
खकनले डामेर बनाएको डोब
र खिईएका पाईताला देखाउँदै
भन्दै हुनुहुन्थ्यो‚
“च्याङबा”
दारेम एसे ङाला ह्राङबा ल्हुई थासोगो या !
(“कान्छा” अबदेखी तैले मेरो जस्तै जिन्दगी नबाच्नु है)

हो त्यहि दिन
मैले मेरो आप्पालाई
बिश्वस्त पारेको छु
हो आप्पा‚
हामी
बनाईएको जन्मजात भरिया
हामीले
भारी त बोक्नु नै छ
तर अब बोकिने भारीहरु
मुखियाको आदेशमा हुनेछैन
महाजनहरुको बिलासिताको लागि पनि हुनेछैन
न त हुनेछ
पुस्तौ देखिको बन्धकी चुक्ता गराउन
केवल आफ्नो लागि बोकिनेछ
आफ्नो अस्तित्वको लागि बोकिनेछ
आफ्नो हक‚ स्वतन्त्रता र
अधिकारको लागि बोकिनेछ
र अब बोकिने भारिहरु
कुनै मुखिया महाजनको महत्वकाङक्षा र
बिलासिताको भोक मेटाउने साधन नभै
हुनेछ एक गहकिलो बिचारको भारी
जसले सम्याउनेछ
युगौ युग देखिको
शोषण‚ दमन र उत्पिडनका
असमान डिल र खाडलहरु ।

हो म यहि बिचारको
एक भारी हाल्नेछु
र बोक्नेछु त्यहि “ढाकर” मा
ठड्याउछु एम16 को ब्यारोल
त्यसैमाथी तेर्स्याउछु एउटा कलम
बनाउछु एउटा भरपर्दो तोक्मा

टेकाउछु त्यो मुखियाको काँधमा
हेर्न लगाउँछु दुनियालाई
थाम्न सक्छ कि सक्दैन
शासकको त्यो काँधले
यो बिचारको भार
जसरी
मेरो आप्पाको काँधले थामेको थियो
एउटा कहाली लाग्दो युगको भार
अनि लेखिने छ
अर्को एउटा युगको ईतिहास ।

२०७३/५/२३ काठ्माण्डौ

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • तमू धीं दक्षिण कोरियाको चौथो “रोधीं सांगीतिक सौगात” भव्यताका साथ सम्पन्न ।
  • भाषा बोल्न नजानेको भन्दै कोरियनले यसरी कुटे आफ्नो भियतनामी श्रीमतीलाई (भिडियो सहित)
  • बा को टोपी
  • छुसक डान्स पार्टीको पोस्टर सर्वजनिक
  • ताजा अपडेट

    ईपिएस

    कोरिया आइपुगेको १७ दिनमै औद्योगिक दुर्घटनामा परि एक नेपालीको मृत्यु

    ईपिएस मार्फत रोजगारीका लागी १७ दिन अघि मात्र दक्षिण कोरिया आएका एक नेपालीको आैधोगिक दृघटनामा परी मृत्यु भएको छ । सुर्खेत पन्चपुरी नगरपालीका २ घर भई हाल दक्षिण कोरियाको थेजनमा रहेको एक कम्पनीमा कार्यरत २३ बर्षिय थिर बहादुर दर्लामी कम्पनिमा काम गर्दै गर्दा ...

    दक्षिण कोरियामा २०२० का लागि न्युनतम तलब वृद्धि

    दक्षिण कोरियामा २०२० का लागि मजदुरको न्युनतम ज्याला निर्धारण गरेको छ । सेजुंग स्थित न्युनतम ज्याला निर्धारण समितिको कार्यालयमा बिहीवार बिहीबार बसेको १२ औ बैठकले मजदुरको ज्याला २.९० प्रतिशात बढाउने निर्णय गरेको हो । निर्णय अनुसार न्युनतम ज्याला २.९०% अर्थात २४० ...

    स्वैच्छिक कम्पनी परिवर्तन गर्न पाउँदा प्रवासी श्रमिकलाई के फाईदा ?

    कोरियामा प्रवासी श्रमिकहरुको संख्या ११ लाख नाघिसकेको छ। हामी प्रवासी श्रमिकहरुलाई कोरिया सरकारले विभिन्न प्रणाली (C4,E1,E2,E3,E4,E5,E6,E7,E9,E10 भिषा) मार्फत ल्याइरहेको छ। यी प्रणालीका समानता(बिशेषता) भनेको प्रवासी श्रमिकहरुले आफुले चाहेको अवस्थामा कम्पनी परिबर्तन र छनोट गर्ने ...

    महिला / बालबालिका

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    कोरियामा आयोजित एक प्रतिस्पर्धामा नेपाली चेलीले प्रथम स्थान हासिल गरी एक करोड वन जितिन

    दक्षिण कोरियाको हाना बैंकद्धारा आयोजित कोरियनसंग विवाह गरेकी महिलाहरुको प्रतिस्पर्धात्मक कार्यक्रममा नेपाली चेलीले प्रथम स्थान हासिल गरी ...

    पत्रकारितामा नेवार महिला पत्रकारको अवस्था:  नेतृत्व तथा चुनौति

    पत्रकारिताको इतिहासमा नेपालको पर्दापन विक्रम संबत १९५५ मा भयो । सुधासागर म्यागजीनबाट सुरु भएको नेपाली पत्रकारितालाई गोरखापत्रले साप्ताहिक ...

    error: Content is protected !!