लोट्टे ग्रुपले नेपालमा ‘लोट्टेरिया’ सञ्चालन गर्ने
काेरियामा मुख्य कार्यालय रहेकाे बहुराष्ट्रिय कम्पनी लोट्टे ग्रुपले अाफ्नाे ब्यवसाय अन्तर्गतको फास्टफुड फ्रेन्चाईज रेष्टुरेण्ट ‘लोट्टेरिया’ नेपालमा सञ्चालन गर्ने भएकाेछ। मंगलबार काठमाण्डाैमा एक कार्यक्रम अायाेजना गरि दक्षिण कोरियाको लोट्टे जीआरएस र हिमालय एनके बीच फ्रेन्चाईज सम्झौता सम्पन्न भएको हाे ।
सम्झौता गर्न मंगलबार काठमाण्डाैमा आयोजित कार्यक्रममा उद्योग मन्त्री मातृकाप्रसाद यादवको प्रमुख आतिथ्यता रहेकाे थियो । उक्त सम्झौताका निम्ती लोट्टेका ग्लोबल सिईओ ‘नाम इक उ’ र ग्लोबल बिजनेश टीम प्रमुख ‘किम कि छल’ सोमबार नै काठमाडौँ प्रवेश गरेकाे कार्यक्रममा बताईयो ।
हिमालय एनके का अध्यक्ष तथा एनआरएनका एसिया प्यासिफिक उप संयोजक बिनोद कुँवरले भने-‘नेपालमा लोट्टेरिया आगमनले भिजिट नेपाल ट्वान्टी ट्वान्टीको लागि सहयोग गर्नेछ ।’ कुँवरले विश्वव्यापीकरणको प्रभावसँगै नयाँ खालका खानपान र संस्कृती नेपालमा समेत विकास हुँदै गएकोमा जोड दिए । साथै, सोही कारण व्यवसायिक सफलता हासिल गर्न सहज हुने उनको तर्क छ ।
लोट्टेरिया संचालनमा आएको ४० वर्ष भईसकेको छ । दक्षिण कोरिया, भियतनाम, म्यानमार, इन्डोनेसिया, कम्बोडीया, काजकिस्तान, मङ्गोलिया र लाओस पाकिस्तान, फिलिपिन्स, बेलायत, रसिया र पोल्याण्ड लगायतका देशहरुमा १६ सय भन्दा बढीको संख्यामा फ्रेन्चाईज रेष्टुरेन्ट सञ्चालित छन् । लोट्टेरिया ‘चिकेन’ र ‘बर्गर’को लागि प्रशिद्ध रहेको कम्पनीको दाबी छ ।
जापानबाट शुरु भए पनि कोरियामा मूख्यालय रहेको लोटे ग्रुपले ९० वटा व्यपारिक क्षेत्रमा हात हालेको याे ग्रुपले क्याण्डी उत्पादन, होटल, शपिङ सेन्टर, फाष्ट फुड, वेभरेज, रिटेल, फाइनान्सियल सेवा, आइटी, कन्ट्रक्शन लगायतका क्षेत्रमा प्रख्यात छ ।
