सामाजिक अभियानता श्रेष्ठ कोरियाको छनान नगरपालिकाद्वारा सम्मानित
यम श्रेष्ठ कोरियामा रहेका नेपालीहरुका लागी नौलो नाम होइन । सादा जीवन उच्च बिचार राख्ने, कोरियामा रहेका नेपालीहरुलाई समस्या पर्दा होस् या नेपालमा चलाइने हरेक सामाजिक अभियानहरुमा होस्, सक्रिय अभियान्ताको रुपमा स्थापित भैसकेको नाम हो यम श्रेष्ठ । उनै सामाजिक अभियान्ता श्रेष्ठलाई दक्षिण कोरियाको छनान नगरपालिकाले सम्मान गरेको छ ।
मे २६ तारिखमा छनान नगरपालिका र छनान माइग्रेन्ट सेन्टरको संयुक्त आयोजनामा आयोजित प्रबासी बहुसाँस्कृतिक मेला “९ औ छनान वैदेशिक महोत्सव -२०१९” को आयोजना गरेको थियो । उक्त महोत्सवको अवसरमा छनान नगरपालिकाका नगर प्रमुख(खु बुन यङ) बाट श्रेष्ठ सम्मानित हुनु भएको हो । इपिएस प्रणाली मार्फत रोजगारीको लागि सन् २००८ मा कोरिया आएका श्रेष्ठ छनान नगरकै एक कम्पनीमा कार्यरत छन् । कामको साथै सामाजिक, साँस्कृतिक र परोपकारीको क्षेत्रमा पनि उदाहरणीय कार्य गर्दै आएको कदर स्वरुप छनान माईग्रेन्ट सेन्टरको सिफारिसमा उक्त नगरले सोही क्षेत्रमा कार्यरत सामाजिक अभियन्ता श्रेष्ठ लाई सम्मान प्रदान गरेको माईग्रेन्ट सेन्टरले जनाएको छ ।
यो सबै मेरा अग्रज, आत्मिय मन, सहकर्मी, सहधर्मी, शुभचिन्तकहरुको एक्यवद्धता , साथ र सहयोगले मात्र सम्भब रहेको हो । त्यसैले यसको सम्पुर्ण श्रेय यहाँहरुलाइ नै दिन चाहन्छु । साथै सबैसामु प्रेरणा र सकारात्मक सन्देश प्रवाहको निम्ति यसरि नै अगाडि बढ्दै जाने प्रतिबद्धता गर्दछु ।
काभ्रेको धुलिखेल -१२ शंखु स्थाई घर भएको श्रेष्ठ करिब एक दशक अघि दक्षिण कोरियामा प्रवेश गरे देखी नै कोरियामा हुने बिभिन्न सामाजिक संघ संस्थामा आबद्ध रहेर नेपाली साँस्कृतिक प्रबर्द्धन, विभिन्न परोपकारी तथा सामाजिक कार्यहरुमा सकृय हुँदै आएको छ ।
यसरी आफूलाई गरेको यो सम्मानले सत्कर्म र सामाजिक कार्यमा थप सकृयताको लागी उर्जा मिलेको श्रेष्ठले बताएको छ । “हुन त कुनै पद मोह, मान, सम्मान, सस्तो लोकप्रियता, चर्चा परिचर्चा आदिको लागि सामाजिक कार्यमा कहिल्यै पनि लागिएन र कहिल्यै पनि यसको अपेक्षा र आशा पनि गरिएन । सबैको साथ, सहयोग, सहकार्य र सद्भावले सदैब स्वच्छ मन र सामाजिक परोपकारी भावनाले सकेको बेलामा आफुले सके जति सत्कार्य र सत्कर्म गर्ने अवसर मिल्दै आएको छ । यसैगरी अशल कार्य र सत्कर्म गर्दै सत्मार्गमा सदैब लागिपर्ने पनि छु” श्रेष्ठले भने । आपेक्षा नभएपनि यस अवार्डको लागि योग्य सम्झेर आफ्नो सामाजिक सत्कर्मको कदर र मुल्यांकन गर्दै छनान नगरपालिका, छनान माइग्रेन्ट सेन्टर तथा छनान बहुराष्ट्रिय साँस्कृतिक केन्द्र द्वारा यसरी सम्मान गरेकोमा धन्यवाद व्यक्त गरेको छ । सथै श्रेष्ठ भन्छन्
“यो सबै मेरा अग्रज, आत्मिय मन, सहकर्मी, सहधर्मी, शुभचिन्तकहरुको एक्यवद्धता , साथ र सहयोगले मात्र सम्भब रहेको हो । त्यसैले यसको सम्पुर्ण श्रेय यहाँहरुलाइ नै दिन चाहन्छु । साथै सबैसामु प्रेरणा र सकारात्मक सन्देश प्रवाहको निम्ति यसरि नै अगाडि बढ्दै जाने प्रतिबद्धता गर्दछु ।”
महोत्सवका अवसरमा अन्य विभिन्न देशको अभियानताहरुलाई पनि सम्मान गरिएको थियो ।
फोटो : श्रेष्ठको सामाजिक संजालबाट
