कोरियनसंग विहे गर्नु नेपाली महिलाको अपराध हो.. ?


मञ्जु गुरुङ

मर्च आठ तारिख अन्तर्राष्ट्रिय महिला दिवस । विषेशत यो दिवस महिलाहरुको श्रम अधिकार बारे चर्चा गर्दै शुरुवात भएको थियो । तर पछिल्लो समय महिलाहरुको नैसर्गिक , आर्थिक , सामाजिक र राजनीतिक अधिकार जस्ता विविध मुद्यालाई उठान गर्ने अवसरकोरुपमा विस्तार हुदै छ । अन्तर्राष्ट्रिय स्तरमा मार्च १ तारिखदेखि नै साता व्यापीरुपमा महिलाका अधिकारबारे चर्चा गर्दै महिलामाथि हुने विविध हिंसाको उजागार गर्ने अवसरको रुपमा यो दिवस मनाउदै आएको छ ।

यसै सन्दर्भमा दक्षिण कोरियामा कोरियन नागरिकसंग विवाह गरेकी नेपाली महिलाहरु बारे चर्चा गर्ने प्रयास गरेको छु । कोरियन नागरिकसंग विभिन्न देशका महिलाहरुले विवाह गरेको पाइन्छ । चिनिया, भियत्नामी, जापानीज , फिलिपिनो, रसियन, कम्बोडियन अथार्त युरोपियन महिलाहरु पनि छन् । कोरियन नागरिकसंग विवाह गर्ने नेपाली महिलाहरुको संख्या यकिन तथ्यंक नभए पनि एक हजार जति रहेको अनुमान गर्न सकिन्छ । साथै कागजी विवाह मात्रै गर्ने नेपाली महिलाहरु पनि छन् । कतिपय नेपाली महिलाहरु कोरियाको नागरिक्ता लिएपछि पारपाचुके गरी नेपालीसंगै घरजम गरी बसेका पनि छन् । त्यसैले पनि ठ्याक्कै तथ्यंक निकाल्न कठिन छ ।

नेपाली महिलाहरुले कोरियनसंग वैवाहिक जीवन शुरु गर्न थालेको करिब दुई दशक भएको अनुमान गर्न सकिन्छ । तर अझै पनि कोरियनसंग विवाह गर्ने नेपाली महिलाहरुप्रति हेरिने नेपाली समाजको सोच भने सकरात्मक हुन सकेको छैन् । कोरियनसंग विवाह गर्ने महिलाहरुले उचित सम्मान पाउन सकेका छैनन् । उनीहरुलाई विभिन्न आरोप र लालछनाहरु लागउने गरिन्छ । भोटेको बुडी (पत्नी) भन्दै अपशब्द प्रयोग गर्ने , भेडा बाख्रा जस्तै किनिएर आउने र बच्चा जन्माउने मेसिन बन्न आउने जस्ता उपनाम दिदै अपहेलना गर्ने गरेको पाइन्छ ।

एक पटक सउल स्थित नेपाली राजदूताबासमा भएको कार्यक्रममा नेपालबाट आउनुभएको एकजना उच्च पदाधिकारीले कोरियनसंग विवाह गरी आएको भन्ने परिचय पाएपछि ‘संगै बस्नुहुन्छ कि अलग्गै’ प्रश्न गर्नुभयो । जुन प्रश्नले मलाई आश्चार्य तुलायो । नेपाली महिलाहरु कोरियनसंग पैसा र नागरिक्ताको लागि मात्रै विवाह गर्छन भन्ने वहाँको बुझाइ रहेछ कि जस्तो लाग्यो । मैले त ‘ तपाईको श्रीमान कस्तो हुनुहुन्छ , के गर्नुहुन्छ’ भनेर सोध्नुहोला भन्ने आशा गरेको थिए । यसले पनि प्रस्ट पार्छ समाजका शिक्षित, बौद्धिक र सचेत वर्गले पनि कोरियनसंग विवाह गर्ने महिलाहरुप्रति गरिने सोच कस्तो रहेछ भनेर ।

कोरियानसंग विवाह गरी बर्षौदेखि राम्रो घरजम गरेर बसेका धेरै छन् । कोरियन भाषामा दक्ष भएकाले धेरै नेपालीहरुलाई नै सहजताको काममा संलग्न भई सेवा पुराई रहेका छन् । कैयौ विद्यालयहरुमा नेपाल र नेपाली कला र संस्कृतीको पहिचान गराइरहेका छन् । प्रहरी जस्तो सम्मानित र गौरवन्दीत पेशामा पनि नेपाली महिला प्रवेश गरी राष्ट्रको नाम उचो पारीरहेका छन् । नागरिक जनस्तरका सम्बन्धलाई सुढृय बनाइ रहेका छन् । आफ्नै परिवारलाई भएपनि नेपालमा थोरै आर्थिक सहयोग पु¥याइरहेका छन् । पारिवारीक भेटघाट भएपनि नेपालमा पर्यटन भित्राइरहेका छन् । हरेक महोत्सव र सामूहिक गतिविधीमा नेपाली मौलिक पहिरन र परिकार पस्केर नेपाली भाषा , कला , संस्कृती तथा प्राकृतीक सौन्दर्यलाई कोरियामा प्रचार प्रसार गरिरहेका छन् । कोरियाका कतिपय उच्च प्रविधीलाई नेपाल भित्राउने प्रयास गरिरहेका छन् । यसप्रति नेपाली समाजले सोच्न सकेको छैन् ।
तैपनि कोरियनसंग विवाह गर्ने महिलाहरुलाई किन नेपाली समाजले सकरात्मकरुपमा लिन सकेनन् ? यस्ता महिलाहरुले समाज र राष्ट्रलाई के हानी पुराएको छ ? कोरियनसंग विवाह गरेका केही महिलाहरु चरित्रहिन भए भन्दैमा सबैलाई उस्तै ठान्न मिल्छ .. ? केही विकृतीका शिकार भए भन्दैमा सबैलाई उस्तै दाज्न मिल्ला त ..? के कोरियन नागरिसकसंग विवाह गर्नु नेपाली महिलाको अपराध हो ..? यस्ता लालछना र आरोपित भनाइका कारण राम्रो घरजम गरेर बसेका महिलाहरु र उनका परिवारहरु कहिलेसम्म लज्जित भएर बस्नु पर्ने ?

( लेखक :  नेपाली चेली समाज दक्षिण कोरियामा आवद्ध हुनुहुन्छ )

आफ्नो प्रतिक्रिया दिनुहोस |
सम्बन्धित शिर्षकहरु
  • सउल नेपाल गुम्बाद्वारा मार्च १ मा बृहत ल्होसार ल्हाब्सोल कार्यक्रम गर्ने, तयारी अन्तिम चरणमा
  • काेरियाका लागि नेपाली दुताबासले काेरियाली अध्यागमन प्रकिया सम्बन्धि अन्तरक्रिया कार्यक्रम गर्ने
  • विनोद बुढाथोकीको अध्यक्षतामा डाइनामिक मोरङ कमिटिको नयाँ कार्यसमिति
  • खोटाङ सेवा समाज दक्षिण कोरियाद्वारा दोङ्देमुनमा सेल्टर सञ्चालन
  • ईपिएस

    सोचेजस्तो छैन कोरिया : ‘एक दिन काम नगरे दुई दिनको तलब काटिन्छ’

    मरिन गाउँपालिका सिन्धुलीका अर्जुन परियार र तिमाल काभ्रेका विमलसिंह लामा दक्षिण कोरियाको खाङवन्दोस्थित छङसनगुन नाम्यन पुग्दा फुरफुर हिउँ परिरहेको थियो । गाडीबाट ओर्लिएर बस्ने होस्टलसम्म पुग्दा उनीहरूको कपाल सेताम्य भइसकेको थियो । बाहिरी तापक्रम माइनस १५ ...

    नयाँ वर्षसँगै दक्षिण कोरियामा कामदारको तलब बढ्याे

    नयाँ वर्ष सुरु भएसँगै दक्षिण कोरियाले सन् २०२० का लागि कामदारको न्यूनतम तलब बढाएको छ । गत वर्षभन्दा यो वर्ष २.८७ प्रतिशतले बढेर प्रतिघन्टा ८ हजार ५ सय ९० वन (७.४ अमेरिकी डलर) भएको छ । कोरियामा दैनिक ८ घन्टाको दरले हप्ताको ४० घन्टा काम गर्ने मजदुरको न्यूनतम ज्याला ...

    कोरिया आइपुगेको १७ दिनमै औद्योगिक दुर्घटनामा परि एक नेपालीको मृत्यु

    ईपिएस मार्फत रोजगारीका लागी १७ दिन अघि मात्र दक्षिण कोरिया आएका एक नेपालीको आैधोगिक दृघटनामा परी मृत्यु भएको छ । सुर्खेत पन्चपुरी नगरपालीका २ घर भई हाल दक्षिण कोरियाको थेजनमा रहेको एक कम्पनीमा कार्यरत २३ बर्षिय थिर बहादुर दर्लामी कम्पनिमा काम गर्दै गर्दा ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!