तमू धीं दक्षिण कोरियाकाे फेब्रुअरी २४ मा बार्षिक साधारण हुने
तमू धीं दक्षिण कोरियाद्वारा सौल दोङ्देमुनमा फेब्रुअरी २४ मा संस्थाको बार्षिक साधारण सभा आयोजना गर्ने भएको छ। संस्थाकाे नयाँ कार्यसमिति गठन एक बर्ष पुरा गरे संगै उक्त अवधिमा संस्थाद्वारा गरिएका विविध गतिविधि एवं कार्यक्रमहरुको मुल्यांकन र आगामी कार्ययोजनाको बिषयमा छलफल गर्न कार्यक्रम गर्न लागिएकाे हाे ।
बार्षिक साधारण सभामा आजीवन सदस्यलाई प्रमाणपत्र प्रदान, अग्रज व्यक्तित्व एवं कलाकारकाे सम्मान तथा विदाइ कार्यक्रम लगायत अन्य विविध उद्देश्यहरू सहित कार्यक्रम आयोजना गर्न लागेको संस्थाका केन्द्रिय अध्यक्ष जित गुरुङले जानकारी दिए। भाेलीका दिनमा तमु धीले गर्ने कामहरूका बारेमा पनि छलफल हुन्छ । त्यसैले काेरियामा रहनु हुने सबैलाइ तमू दाजुभाइ तथा दिदिबहिनीहरुमा उपस्थितीका लागि विनम्र अनुरोध गर्छु । उनले भने । साधरण सभा दिउँसाे १२ बजेबाट दोङ्देमुनकाे दर्शन नमस्ते रेष्टुरेष्टको हलमा हुनेछ ।
“प्ये म्हस्याँ छ्या म्हमु,छ्या म्हस्याँ ल्हु म्हमु, ल्हु म्हस्याँ म्हि म्हमु”अर्थात शास्त्र हराए संस्कार हराउंछ,संस्कार हराए संस्कृति हराउंछ, संस्कृति हराए मानिस जाति नै हराउँछ।भन्ने तमू विश्वव्यापी नारालाई आत्मसाथ गर्दै तमू जातिको मौलिक भेषभूषा,भाषा,कला,पराम्परा, संस्कार र संस्कृतिको संरक्षण र संबर्द्वन गर्नुका साथै दक्षिण कोरियाबासी तमू(गुरुङ)हरु एवं गैर तमूहरुको हरेक दु:ख अनि सु:खमा हातेमालो गर्ने उद्देश्य सहित सन् १९९९ मा स्थापित कोरियाको एक अग्रणी संस्था तथा तमूहरूकाे एक मात्र साझा संस्था हाे तमू धीं दक्षिण कोरिया।
