मर्स संक्रमित महिलाबाट जन्मिएको शीशु मर्स मुक्त
विकास श्रेष्ठ
सोल-कोरियामा मिडल इष्ट रेष्पीरेटोरी सिन्ड्रोम (मर्स) बाट संक्रमित एक गर्भवती महिलाले शिसु जन्माएकी छिन । उन्चालीस वर्षीय महिला मर्सबाट संक्रमित भएर पनि स्वास्थ्य बच्चा जन्माउने विश्वमा पहिलो मर्स विरामी भएकी छिन । आमा र शिसु दुवैको स्वास्थ्य अवश्था ठिक रहेको सोलस्थित सामसुङ मेडिकल सेन्टरले जनाएको छ । शिसुलाई जन्म दिएपछि गरिएको परिक्षणमा महिलामा मर्सको जिवाणू नभेटिएको उक्त अस्पतालले जनाएको छ। गत महिना सामसुङ मेडिकल सेन्टरमा उपचाररत मर्स संक्रमित विरामी आमालाई भेटन जादाँ ती महिलालाई सो जिवाणू सरेको थियो। मर्सको लक्षण लक्षण देखिएपछि उनी मे सत्ताइस तारिखमा सोही अस्पतालमा भर्ना भएकी थिइन ।
यसैबीच मर्स जिवाणूबाट मर्नेको संख्या सत्ताइस पुगेको छ भने संक्रमितको संख्या एक सय असी पुगेको छ । विभिन्न अस्पतालहरुमा उपचार गराइरहेका मर्स संक्रमित मध्ये चौवन्न जना निको भएर घर फर्किएका छन् । त्यस्तै करिब दुइ हजार आठ सय जनालाइ उनीहरुकै घरमा क्वारेन्टाइनमा राखिएको स्वास्थ्य तथा कल्याण मन्त्रालयले जनाएको छ छ । मर्स महामारी फैलिएयता मर्स संक्रमण भएको आशंकामा तेह हजार भन्दा बढीलाई क्वारेन्टाइनमा राखिएको थियो । चौध दिन सम्मको क्वारेन्टाइनपछि एक हजार दुइ सय जनामा मर्सको लक्षण नपाइएपछि क्वारेन्टाइन मुक्त गरिएको छ ।
मर्स जिवाणू अन्यत्र पनि फैलन सक्ने आशंकाकाबीच कोरिया सरकारले क्वारेन्टाइनमा राखिएका मानिसलाई घरेलु तथा अन्तर्राष्ट्रिय उडानमा प्रतिबन्ध लगाएको छ ।
