कोरियामा आज १ सय ११ वर्षपछिको सबैभन्दा बढी गर्मी
दक्षिण कोरियामा यस वर्ष गर्मी दिन प्रतिदिन बढ्दो छ । सउलको तापमान आज सबैभन्दा बढी ३९.६ पुगेको छ । सन १९०७ सालपछि यस वर्ष १ सय ११ वर्षपछि सउलको सबैभन्दा उच्च तापमान पुगेको कोरियन मौसम विज्ञान कार्यलयले जनाएको छ ।
कोरियाको दक्षिणी पश्चिमी भेगमा उच्च तापक्रम हुने गरेता पनि उत्तरी तर्फ रहेको सउलमा भने केही कम तापक्रम हुने गरेकोमा यस वर्ष कोरियाको प्राय स्थानमा ४० डिग्री तापमान पुगेको छ।
उच्च गर्मीकै कारण यस वर्ष हालसम्म कोरियामा मृत्यु हुनेको संख्या २७ पुगेको छ । त्यस्तै गर्मीका कारण गत वर्षभन्दा ७७ प्रतिशत विरामीको संख्या बढेको छ ।
उच्च गर्मीकै कारण घरमा राखेका अण्डाबाट चल्ला निस्केको रोचक समाचार पनि सार्वजनिक भएको छ । मानिसहरु एयरकोन र पंखाको अत्यधिक प्रयोग भएकाले विद्युतको माग पनि उच्च हुन पुगेको छ । बाटोमा गुढी रहेको कारमा आगलागी भएका छन् ।
सडकमा मोटरबाट पानी छर्ने गरेका छन् । गर्मीकै कारण कुखुरा र माछा र गाई जस्ता घरपालुवा जनवारको मृत्यु भएको छ । मानिसहरु समुन्द्र किनार , पहाड र पार्कमा शितल खोज्दै भौतारिन थालेका छन् । युवा युवतीहरु हातमा मिनी पंखा लिएर हिड्ने गरेका छन् ।
सरकारले तातो हावाको वेभबाट बच्न सार्वजनिक आवहान समेत गरेका छन् । विद्युतको प्रयोग धेरै भएकाले शुल्कमा केही राहत दिन माग पनि गरिएको छ ।
आजकाल कोरियामा गर्मी विदा शुरु भइ सकेको छ । कार्यलय अनुसार ३ देखि ९ दिनसम्म गर्मी विदा दिएका छन् । कोरियामा कार्यरत नेपाली कामदारहरु पनि गर्मी विदा मनाउन समूहमा समुन्द्र किनार, पहाड जस्ता रमणिय पर्यटकिय स्थान तिर रमाउने गरेका छन् ।
