कोरियाका सछाङबासी नेपालीहरुले नेपाली नयाँ वर्ष कार्यक्रम यसरी मनाए
अशोक पोख्रेल
दक्षिण कोरियाको याङसान नजिकै पुर्वी दिशामा रहेको सछाङ शहरमा भब्यताका साथ नेपाली नयाँ वर्षको शुभकामना आदानप्रदान कार्यक्रम सम्पन्न भएको छ । सछाङमा अवस्थित विदेशी कामदारहरुको लागी तालिम तथा सहयोग परामर्श दिंदैआएको कोरियन सरकारी संस्थाको एक हलमा उक्त कार्यक्रम गरिएको हो । गत आईतबार सम्पन्न उक्त कार्यक्रम, उङसाङ नेपाली समाज साथै हिमालय एफ.सी सछाङले सम्युक्त रुपमा आयोजना गरेको थियो भने विदेशी कामदारहरुलाई तालिम तथा सहयोग परामर्श गर्दै आएको सोही कोरियन सरकारी संस्थाले सहयोगीको भुमिका खेलेको थियो । सछाङ, उङसाङ, थक्के वरपर रहेका नेपाली कामदारहरुको उल्लेखनीय सहभागी रहेको सो कार्यक्रम औपचारिक र मनोरन्जनात्मक गरेर दुई चरणमा सम्पन्न गरिएको थियो ।
सागर विष्ट सभापति रहेको औपचारिक कार्यक्रममा दक्षिण कोरिया एन. सि.सि सल्लाहकार तथा सपोर्ट नेपाल फाउन्डेशनका उपाध्यक्ष एल. विष्ट प्रमुख अतिथी, कोरियन माईग्रेन्ट सेन्टर सछाङका सेन्टर जाङनिम यूख्यङ हे विशेष अतिथी,साथै उङसाङ नेपाली समाजका अध्यक्ष आनन्द कोईराला, प्रवाशी महिला समुह वुसानकी अध्यक्ष प्रतिमा आले, एन आर एन वुसानका वरिष्ठ उपाध्यक्ष उमेश मेवाङ राई, हिमालयन एफ सी का अध्यक्ष विशाल गुरुङ, एभरेष्ट एफ सी का टप पुन अनी वुसान क्षेत्रका समाज सेवी मदन गिरी अतिथी रहेको उक्त कार्यक्रममा ठुलो संख्यामा नेपालीहरुको सहभागी रहेको थियो ।
कार्यक्रम सुरुवातीमा नेपाली राष्ट्रीय गानबाट गुन्जिएको सो हलमा नरेश दाहालले स्वागत मन्तव्य अनी मदन गिरी र एल वि विष्टको छोटो मन्तव्य हुँदै औपचारिक कार्यक्रमको समापन गरिएको थियो ।
काम गरेको सम्पुर्ण थकान मेटाउन अनि परदेशमा रहेरपनी नेपाली नयाँ वर्षको शुभकामना आदामप्रदानमा जुटेका नेपालीहरु दोस्रो चरणको मनोरन्जनात्मक कार्यक्रममा मझाले नै झुमेका थिए । स्थानीय चर्चित गायकहरु मदन गिरी, उमेश मेवाङ राई, अर्जुन सुव्वा, शिला मास्के लगायतका गायकहरुले एकल तथा सामुहिक प्रस्तुतीबाट सबै दर्शकहरुलाई नचाएका थिए। स्थानीय कलाकार मिनु लामाको नृत्यले उक्त हलमा झनै गर्मि वनाएको थियो ।
मुक्तक, चुड्किला अनि नेपाली बाँसुरीको धुनले उपस्थित कोरियन अतिथीहरु समेत मन्त्रमुक्द र चकित नै परेका थिए । छोटो-मिठो र अतिनै आकर्षक किसीमले शुरुवाती र समापन भएको सो कार्यक्रममा कोरियन माईग्रेन्ट संस्थाले कलाकार अनि सहभागी सबैलाइ पुरस्कार साथै मायाको चिनो वितरण गरेको थियो भने खशीको मासुको साथमा अति नै स्वादिष्ट नेपाली खानाका परिकारहरु पनी खाने र खुवाउने काम भएको थियो। यसरी परदेशी भुमीमा छरिएर रहेका नेपालीहरु भेला भएर यस्ता किसीमका कार्यक्रमहरु गरिनु आफैंमा तारिफ योग्य र महत्वपुर्ण मानिन्छन । यस्ता कार्यक्रमहरु वेला-वेला भईरहनुपर्दछ, आयोजकलाई सबैले धन्यवाद दिनैपर्छ ।
