अन्तत बचाउन सकेन सुकमानलाई

सोल

कोरियामा अस्पतालको सघन कक्षामा लामो समयदेखि मृत्युसंग जुधिरहेका सुकमान लुइ०वालाई अथक प्रयासका बाबजुद पनि अन्तत बचाउन सकिएन् । कृतिम स्वाश प्रस्वासबाट चलिरहेको मुटुको ढुकढुकी बन्द भएको छ । सोमबार विदउसो उनको निधन भएको चिकित्सकले जानकारी दिएपछि झिनो आशा पनि विलिन भएको छ ।

शुरुमै ब्रेन डेथ भइसकेका सुकमान क्षय रोग र अन्य विभिन्न समस्यासंग अचेत अवस्थामा १५ महिनादेखि सउलको अस्पतालमा उपचार्थ थिए । दुई नर्सका साथ विषेश सेवामा उनको उपचार भइरहेको थियो । तैपनि उनले विदेशमै अन्तिम स्वास फेरे ।

नेपालमा उनको परिवारको नाममा दिदी र दाई सम्पर्कमा आएका छन् । परिवारकै इच्छा अनुसार सुकमानको मृत शरिरलाई पनि कोरियामा अन्त्य गरिने भएको छ । अत्येष्टीको लागि आवश्यक आर्थिक खर्चको लागि यहाँका नेपाली संघ संस्थाले सहयोगको अपिल गरेका छन् ।

केही महिना अघि मात्र नेपालबाट आएका चिकित्सकहरुले अस्पतालमा गई उनको अवस्थाबारे बुझेका थिए । केही सञ्चो भएपछि नेपालमै पठाएर उनको उपचार गरिने बारे कुरा भएको श्रम सहचारी डिल्लीराम बास्तोलाले जानकारी दिए । नेपाल पुगेपछि परिवारले उनको अनुहार हेर्न पाउने आशा पनि विलिन भएको छ ।

सुकमान कोरियामा गैर कानुनीरुपमा लामो समयदेखि बस्दै आएको बुझिएको छ । उनलाई बाटोमा अचेत र बेबारीसे अवस्थामा भेटिएपछि कोरियनले अस्पतालमा पुराएका थिए । उनीसंग पासपोर्टको फोटोकपी भेटिएपछि नेपाली राजदूताबासमा खबर गरिएको थियो । उनी कोरियाको कहाँ बस्थे भन्ने पनि जानकारीमा आउन सकेको थिएन् । अस्पतालमा भर्ना भएदेखि नै उनी अचेत अवस्थामा भएकाले उनकोबारे थप जानकारी पाउन गारो भएको शुरुदेखि नै उपचारमा संलग्न एनआरएनएकी अध्यक्ष लक्ष्मी गुरइ०ले बताइन् ।

चितवन जगतपुर ७ निवासी सुकमान लुङबालाई शुरुमा इन्छन शहर स्थित यन्से सेब्रान्स अस्पतालमा भर्ना गरिएको थियो । तत्कालिन समयदेखि नै उनलाई कृतीम स्वास प्रश्वासको सहरामा उपचार गराईदै आएका थिए । शो अस्पतालमा शुल्क धेरै आएपछि कोरियाका एनआरएन , तामाइ० संघ र चितवन सम्पर्क समितीको पहलमा नेपाली जनमानसबाट आर्थिक सहयोग संकलन गरेका थिए । पछि क्षय रोग सम्बन्धी अस्पतालमा सारीएको थियो ।

प्रदेशमा लामो समयदेखि परिवार र साथीसंगीबाट टाडा रहेर एक्लै गुमनाम अस्पतालको शैयामा रहेको सुकमानको शरिर अब खरानी भएर सकिने छ । आपतमा परेका नेपालीलाई सहयोग गर्ने कोरियाका नेपाली समुदायकै सहयोगमा १५ महिना कृतिम स्वासकै सहारामा भएपनि बचाउन सफल भए ।