माछापुच्छ्रे कप फूटबल प्रतियोगिता तयारी तिब्र गतिमा

फोनिज कोरिया सम्बतदाता
दक्षिण कोरियामा नेपाल फूटबल महासङ दक्षिण कोरियाको माताहतमा कास्की परिवार दक्षिण कोरियाले आउदो जुन २५ तारिकको दिन माछापुच्छ्रे कप फूटबल प्रतियोगिता आयोजना गर्ने भएको छ ।
प्रबासी नेपालीहरुको भावनात्मक एकता गराउने तथा प्रबासमा नेपाली फूटबललाई प्रबर्द्धन तथा बिकास गर्ने उद्देश्यका साथ स्थापित नेपाल फूटबल महासङ्घ दक्षिण कोरियाको माताहतमा दक्षिण कोरियामा सकृय नेपाली फूटबल टिम द्वारा प्रत्येक महिना फूटबल प्रतियोगिता आयोजना गर्ने क्रमानुसार आगामी छैटौं महिनाको फूटबल प्रतियोगिता कास्की परिवारले आयोजना गर्न लागेको हो ।
प्रतियोगिता सोयोसानको खेल मैदानमा हुनेछ भने प्रतियोगिताको तयारी तिब्र गतिमा अघि बढि रहेको संस्थाका अध्यक्ष दिल जलरी पासा ज्यूले बताउनु भयो । उक्त प्रतियोगितामा सहभागि हुन नेपाली फुटबल क्लबहरुलाई सुविधाको लागि यही महिनाको १८ तारिक स्याङ्जा परिवारले आयोजना गर्न लागेको भलिबल प्रतियोगिता स्थल दोङ्गदेमुन गु छेयुक्वानमा टाईसिट गरिने कार्यक्रम संयोजक क्षेत्र गुरुङ्ग ज्यूले बताउनु भयो । उक्त दिन फूटबल खेल, घैटो फुटाउने तथा मकै गन्ने लगाएतका विभिन्न मनोरञ्जनात्मक खेलहरुका साथै विभिन्न नेपाली परिकारहरुमा रमाउन सकिने भएको हुदा आफ्नो आफ्नो टिमलाई हौसला बढाउन तथा मनोरञ्जनात्मक खेल र नेपाली परिकारहरुको स्वादमा रमाउनको लागि सम्पुर्ण नेपालीहरु समय मिले सम्म सोयोसान खेल मैदानमा जान सक्नु हुनेछ ।
उक्त फुटबल प्रतियोगितामा प्रथम स्थान हासिल गर्ने फुटबल क्लबले नगद १६ लाख वान, ट्रफी, तक्मा, प्रमाणपत्र पाउने छन् भने दोस्रो हुने फुटबल क्लबले नगद ८ लाख वान, तक्मा र प्रमाणपत्र प्राप्त गर्नेछन् र उच्च गोल कर्ता र उत्कृष्ट खेलाडीलाई पनि नगद र ट्रफीको पनि व्यवस्था गरिएको छ । यसैबीच कास्की परिवार दक्षिण कोरियाले प्रतियोगितालाई भब्यताका साथ सफल बनाउनको लागि विभिन्न उप समितीहरु गठन गरेको छ । आयोजनाको तयारी तिब्र रुपमा भएको जानकारी गराउदै कोरियामा रहनुभएका सम्पूर्ण संघसंस्थाका प्रतिनिधी ज्यूहरु, बुद्धिजिवी, पत्रकार, विद्यार्थी, व्यापारी लगायत नेपाली दाजुभाई तथा दिदी बहिनीहरुलाई उपस्थितिको लागि अनुरोध गरेको छ ।
टाईसिट सम्बन्धी जानकारीः–
मितिः २०१७ जुन १८ तारिक
स्थानः स्याङ्जा परिवार दक्षिण कोरियाले आयोजना गर्ने खेल मैदान दोङ्गदेमुन गु छेयुक्वानमा ।
समयः दिनको १ बजे

खेल सम्बन्धी जानकारीः–
मितिः २०१७ जुन २५ गते
स्थानः सोयोसान खेल मैदान
समयः बिहान ७ बजे बाट सुरु हुनेछ
आयोजकः कास्की परिवार दक्षिण कोरिया
सम्पुर्ण खेलहरु नेपाल फुटबल महासंघ दक्षिण कोरियाको नियम अन्तर्गत हुने छ ।
यस प्रतियोगिता सम्बन्धी समचार तथा अन्य जानकारीहरु उपलब्ध गराउदै जानेछौ हामी सङै रहिरहनु होला ।