नेपाल कोरिया भलिवल संघको दोश्रो अधिवेशन हुदै

बोमजोन गुरुङ, सौल

“विकास, अनुशासन, गतिशिलता ।
स्वास्थ्य, मित्रता, एकता र राष्ट्रका लागि खेलकुद सहभागिता।” भन्ने नाराका साथ गतवर्ष २६ फेब्रुअरी २०१७ मा भजिन्द्र क्षेत्रिको संयोजकत्वमा सह-संयोजक आलोक बानियाँ, सचिव लेसन गुरुङ र कोषाध्यक्षमा अमर छन्त्याल रहने गरि आधिकारिक रुपमा गठन भएको नेपाल कोरिया भलिवल संघको दोश्रो अधिवेशन यहि आउँदो १८ मार्च २०१८ मा सउल-सिन्सोलदोङ स्थित नेपाल हाउसमा हुने भएको छ ।

संघको एक वर्षको कार्याकाल सफलतापूर्वक सकिएर पुनः अर्को एक वर्षको लागि कार्यसमिति चयन हुनुपर्ने प्रावधानसँगै दोश्रो अधिवेशनको तयारी भईरहेको संघका संयोजक भजिन्द्र क्षेत्रीले जानकारी गराएका छन् ।

नेपाल कोरिया भलिवल संघ गठन हुनुपूर्व भलिवल प्रतियोगिता हुने गरेपनि संघले आधिकारिक जिम्मेवारी पाएपछि अझ मैत्रीपूर्ण र व्यवस्थित ढंगबाट प्रतियोगिता सञ्चालन गर्न/गराउन सफल भएको दावी संघका सचिव लेसन गुरुङले गरेका छन् । हरेक वर्षको गर्मी सिजन शुरुवातसँगै भलिवल खेलको सरगर्मी बढ्ने र खेलप्रेमीहरुको खेलप्रतिको मोह पाइने गरेकोले संघ गठन भएलगत्तै गर्मी सिजनको अवसरमा क्रियाशिल ६ वटा क्रियाशिल संघ-संस्थालाई यस संघले आफ्नो मातहतमा रहने गरि प्रतियोगिता सञ्चालन गर्ने अनुमति पाएको थियो । जसमा तमु धिं दक्षिण कोरिया, ठकुरी समाज दक्षिण कोरिया, स्याङ्जा परिवार दक्षिण कोरिया, छन्त्याल परिवार दक्षिण कोरिया, यूनिक भिजन ग्रुप दक्षिण कोरिया, अन्नपूर्ण दुधपोखरी समाज दक्षिण कोरिया रहेको थियो ।

सोही अधिवेशनकै अवसर पारेर नेपाल कोरिया भलिवल संघकै सर्कलमा निर्णायक भूमिकामा रहि प्रतियोगितालाई मर्यादित र विवादरहित बनाउन सहयोग गर्नुहुने निर्णायक (रेफ्री/एम्पायर) हरु क्रमशः अमित राना, खोम गुरुङ, श्रवण श्रेष्ठ, लोकेन्द्र भट्टचन, डिल्लु बिरकट्टा मगर र सुनेश के.सी. लाई सम्मान गरिने आयोजकले जनाएको छ ।

यसका साथै २०१८ गर्मी सिजन आइसकेको हुँदा पर्याप्त समायाभावको कारण भलिवल प्रतियोगिताका लागि प्रत्येक महिनामा सञ्चालन हुनेगरि ईच्छुक संघ-संस्थाहरुलाई सोही दोश्रो अधिवेशनका दिनमा कार्यक्रम बाँडफाँड गरिने जानकारी आयोजकले जनाएको छ र भलिवल आयोजना गर्न ईच्छुक संघ- संस्थाका अध्यक्ष वा प्रतिनिधिहरुलाई उपस्थित भएर नियमबद्ध रुपमा प्रतियोगिता गर्न पाउने अधिकार सुनिश्चित गर्नुहुन पनि नेपाल कोरिया भलिवल संघले आग्रह गरेको छ । कोरियामा रहेका संघ-संस्थाहरुको आपसी सदभाव, भाईचाराको अभिबृद्धिसँगै स्वच्छ र मैत्रीपूर्ण भलिवल खेल सञ्चालन गर्दै आएको यस संस्थाले २०१७ को भलिवल सिजनको पुरै प्रतियोगिताभरि खेलाडीहरुलाई प्राथमिक उपचारको व्यवस्था साथै प्रतियोगिता सञ्चालनका लागि आवश्यक सामाग्रीहरु उपलब्ध र हल व्यवस्थापनमा सहयोग गरेको थियो ।

यस नेपाल कोरिया भलिवल संघको दोश्रो अधिवेशन २०१८ लाई सफलतापूर्वक सम्पन्न गर्न संघ-संस्थाका प्रतिनिधिज्युहरु, बुद्धिजीबीहरु, पत्रकारहरु, व्यवसायीहरु, खेलाडीहरुलाई हरसम्भव सूचना दिइएको र कारणवश प्राप्त नभए यहि सूचनालाई आधार मानेर उपस्थित जनाइ कार्यक्रम सभ्य र भव्य सफल पारिदिनु हुन नेपाल कोरिया भलिवल संघ दक्षिण कोरियाले हार्दिक अनुरोध समेत गरेको छ ।

कार्यक्रम तपसिल :

मिति : २०१८ मार्च १८ तारिक आईतबार ।
समय : दिउँसो ठीक १२:०० बजे ।
स्थान : नेपाल हाउस, सिन्सोलदोङ ।

सम्पर्कका लागि,

भजिन्द्र क्षेत्री (संयोजक) :‎०१०-३३४३४०५५
आलोक बानियाँ (सह-संयोजक) :‎०१०-९५८८८६८४
लेसन गुरुङ (सचिव) :‎०१०२१६३२८४१
अमर छन्त्याल (कोषाध्यक्ष) :‎०१०२२३५८८४८