संगीतमा जम्दै बबिना किराती


पछिल्लो समय नेपाली सांगीतिक क्षेत्रमा चम्किदै गरेकी नवगायिका हुन् बबिना किराती । फरक स्वर र शैलीमा आफ्नो जादूमय आवाजलाई बुलन्द गर्दै संगीतको दुनियाँमा उदाउदै गरेकी बबिना छोटो समयमै साँगीतिक सिंढि उक्लन थालेकी छिन् । केही समय अघि मात्र आफ्नो पहिलो एकल एल्वम ‘मर्निङ द बिगिनिङ’ ल्याएर चर्चामा आएकी बबिना कोरियाको विभिन्न सांगीतिक कार्यक्रममा सहभागी भएर अझ चर्चा कमाउन सफल भएकी छिन् ।

गत फेब्रअर १५ तारिख कोरियाको किम्हेमा नेपाल मगर संघ किम्हे बुसान शाखाले आयोजना गरेको झोर्ले सांगीतिक सौगात कार्यक्रममा आफ्नो गीत प्रस्तुत गरेर दर्शकको माया बटुलेकी बबिनाले सौलमा आयोजित ‘बबिना किराती एकल संगीत साँझ’ कार्यक्रममा आफ्ना एल्वममा समेटिएका गीतहरुसहित अन्य थुप्रै गीतहरु गाएर उपस्थित दर्शकलाई भरपूर मनोरञ्जन प्रदान गरिन् । मृगौलापिडित गायिका जलजला परियारको सहयोगार्थ नेपाली साहित्य समाज(नेसास), दक्षिण कोरियाले आयोजना गरेको उक्त एकल सांगीतिक कार्यक्रममा उनलाई ‘नेसास नव प्रतिभा सम्मान २०१८’ बाट पनि सम्मानित गरिएको थियो । त्यसैगरी खोटाङ सेवा समाज दक्षिण कोरियाको आयोजनामा भएको ‘बबिना किराती सम्मान तथा सांगीतिक साँझ’ कार्यक्रममा पनि बबिनाले आफ्ना गीतहरु प्रस्तुत गरिन् । उक्त कार्यक्रममा नेपालकी चर्चित डिजे अर्पणाको समेत धमकेदार प्रस्तुति रहेको थियो ।

यसरी कोरियाको नयाँ बर्ष सलनाल पर्वको अवसर पारेर नेपाली संघसंस्थाहरुले आयोजना गरेको तीनवटा सांगीतिक कार्यक्रममा सहभागी भएर नेपाल फर्केकी बबिना कोरियामा पाएको माया सदभावले अझ सांगीतिक क्षेत्रमा हौसला मिलेको फोनिज कोरियासँगको इमेलवार्तामा भनिन् ।
भर्सटायल गायिकाको रुपमा आफुलाई परिचित गराउदै आएकी बबिनाको पहिलो एल्वम मर्निङ द बिगिनिङमा समेटिएको गीत ‘माथि माथि हिमाली भेगमा’ बोलको पूर्वेली लोकभाकाको मारुनी बिटमा आधारित गीत हिट भएसँगै उनको सांगीतिक उचाइ ह्वात्तै बढ्न थालेको छ । आफ्नै गीतको म्युजिक भिडियोमा अभिनय समेत गरेकी बविना गायिका मात्र होइन राम्रो मोडलका रुपमा समेत आफुलाई चिनाउन थालेकी छिन् ।

खोटाङको बुइपामा जन्मिएकी बविना चारपाँच बर्षदेखि संगीत साधनामा लाग्दै आएकी हुन् । संगीत साधक प्रभुराज ढकाल र मन्डल साम्पाङसाँग गायनमा औपचारिक शिक्षा लिएकी बविनाले सुरुमा रकशैलीका गीतहरु गाउदै आएपनि पछिल्लो समय लोक, आधुनिक र सास्त्रीय संगीतका गीतहरु पनि गाउदै आएकी छिन् । सामुहिक रुपमा देशभक्ति गीत तथा आदिवासीसम्वन्धि गीत समेत गाएकी उनले करिब दुई दर्जन जति गीतमा स्वर दिइसकेकी छिन् । जसमा मिलन किरातीको शब्द र बिक्रम राईको सङ्गीत रहेको आधुनिक गित “काडा हो कि फूल हो माया‘ ” धेरै स्रोताले मन पराएका थिए । उनको अन्य गितहरुमा ‘घाम पानी घाम पानी, शान्तिले मात्र पुग्दैन‘ छिया छिया.. मनकी भारी बिसाउला..’ जस्ता गीतहरु चर्चित छन ।

संगीत सिक्ने क्रममा रहेकी बविनाको सानैबाट नाच्न गाउनमा रुचि थियो । मान्छे भएर जन्मे पछि केही गर्नुपर्छ भन्ने सोचाई पालेकी बविनाको पारिवारिक वातावरण साहित्यमय थियो । त्यसैले पनि संगीतमा बढी झुकाव लिएकी उनलाई बुवाले पछि गीत गाउन सक्छन् भनेर हौसला दिनुहुन्थ्यो । जसले गर्दा उनले सानैदेखि गायिका बन्ने सपना बुन्न थालेकी थिइन् । साहित्यकार बुबा, दाजु, दिदीहरुको हौसला र प्रेरणाले नै अहिले गायिका बन्न सफल भएको उनी बताउछिन् । भन्छिन्, ‘मेरो प्रेरणाको स्रोत नै मेरो परिवार हो ।’

नयाँदेखि पुराना सबै प्रकारका गीत सुन्न मन पराउने बविना संगीत साधना भने कमै गर्छिन् । ‘समयको अभावले पनि हो । अझै मेहेनत गर्न बाँकी छ’, उनी प्रष्ट पार्छिन् । ‘संगीतमा आनन्द मिल्छ, खुशी पाउँछु संगीतबिनाको जीवन सोच्नै सक्दिन ।’ संगीत क्षेत्रमै लागेर अगाडि बढ्ने सोच बनाएकी बविना संगीतको हरेक विधा मन परे पनि रकपप जेनरमा आफुलाई अझ कम्फर्ट लाग्ने बताउछिन् । गीतसंगीत बाहेक नृत्य र उदघोषण पनि उनको अर्को रुचि हो । यो बाहेक घुम्न, फिल्म हेर्न र सपिङ गर्न पनि उनी त्यतिकै सौखिन छिन् ।

आफ्नो प्रतिक्रिया दिनुहोस |
सम्बन्धित शिर्षकहरु
  • सउल नेपाल गुम्बाद्वारा मार्च १ मा बृहत ल्होसार ल्हाब्सोल कार्यक्रम गर्ने, तयारी अन्तिम चरणमा
  • काेरियाका लागि नेपाली दुताबासले काेरियाली अध्यागमन प्रकिया सम्बन्धि अन्तरक्रिया कार्यक्रम गर्ने
  • विनोद बुढाथोकीको अध्यक्षतामा डाइनामिक मोरङ कमिटिको नयाँ कार्यसमिति
  • खोटाङ सेवा समाज दक्षिण कोरियाद्वारा दोङ्देमुनमा सेल्टर सञ्चालन
  • ईपिएस

    सोचेजस्तो छैन कोरिया : ‘एक दिन काम नगरे दुई दिनको तलब काटिन्छ’

    मरिन गाउँपालिका सिन्धुलीका अर्जुन परियार र तिमाल काभ्रेका विमलसिंह लामा दक्षिण कोरियाको खाङवन्दोस्थित छङसनगुन नाम्यन पुग्दा फुरफुर हिउँ परिरहेको थियो । गाडीबाट ओर्लिएर बस्ने होस्टलसम्म पुग्दा उनीहरूको कपाल सेताम्य भइसकेको थियो । बाहिरी तापक्रम माइनस १५ ...

    नयाँ वर्षसँगै दक्षिण कोरियामा कामदारको तलब बढ्याे

    नयाँ वर्ष सुरु भएसँगै दक्षिण कोरियाले सन् २०२० का लागि कामदारको न्यूनतम तलब बढाएको छ । गत वर्षभन्दा यो वर्ष २.८७ प्रतिशतले बढेर प्रतिघन्टा ८ हजार ५ सय ९० वन (७.४ अमेरिकी डलर) भएको छ । कोरियामा दैनिक ८ घन्टाको दरले हप्ताको ४० घन्टा काम गर्ने मजदुरको न्यूनतम ज्याला ...

    कोरिया आइपुगेको १७ दिनमै औद्योगिक दुर्घटनामा परि एक नेपालीको मृत्यु

    ईपिएस मार्फत रोजगारीका लागी १७ दिन अघि मात्र दक्षिण कोरिया आएका एक नेपालीको आैधोगिक दृघटनामा परी मृत्यु भएको छ । सुर्खेत पन्चपुरी नगरपालीका २ घर भई हाल दक्षिण कोरियाको थेजनमा रहेको एक कम्पनीमा कार्यरत २३ बर्षिय थिर बहादुर दर्लामी कम्पनिमा काम गर्दै गर्दा ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!